ގދ. ތިނަދޫ ސިޓީގެ މޭޔަރު ސައުދު އަލީ އާއި ޑެޕިއުޓީ ނަސްރުﷲ އަލީ އަށް މުސާރަ އާއި އިނާޔަތް ނުލިބޭ ގޮތަށް ތިން މަހަށް ސަސްޕެންޑް ކުރަން ލޯކަލް ގަވާމަންޓް އޮތޯރިޓީ (އެލްޖީއޭ) އިން މިއަދު ނިންމައިފި އެވެ.
އެލްޖީއޭ އިން މި ނިންމުން ނިންމީ ތިނަދޫ ކައުންސިލާއި ގުޅޭގޮތުން އެލްޖީއޭ އިން ކުރިއަށް ގެންދިޔަ އިންކުއަރީއަށް ފަހު އެވެ. މި އިންކުއަރީ ކުރިއަށް ގެންދިއުމުގެ ހުއްދަ އެލްޖީއޭއަށް ވަޒީރު ދެއްވީ ފެބްރުއަރީ 17, 2025 ގަ އެވެ.
މި އިންކުއަރީގައި ސިޓީ ކައުންސިލް މެންބަރުންނަށް ލިޔުމުން ޖަވާބުދާރީވާން ހަތް ދުވަހުގެ ފުރުސަތެއް ދިނެވެ.