ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ އާ ޓާމިނަލް ހުޅުވުމުގެ ރަސްމިއްޔާތުގައި، މާލެ ވަށައިގެން 19 ސަރަހައްދެއްގައި ހަވާ އަރުވާނެ ކަމަށް އެމްއެންޑީއެފުން މިރޭ ބުނެފި އެވެ.
ވީ ކިހިނެއް؟- އެމްއެންޑީއެފުން ބުނިގޮތުގައި:
މާލެ ވަށައިގެން ކަނޑުގެ 16 ސަރަހައްދެއްގައި ހަވާ އަރުވާނެ
އަދި އެއާޕޯޓު ކައިރިން ތިން ސަރަހައްދެއްގައި ހަވާ އަރުވާނެ
މި ރީތިކަން ހަ މިނިޓަށް ފެންނާނެ 
އެމްއެންޑީއެފުން ބުނިގޮތުގައި ހަވާ އަރުވަން ފަށާނީ މާދަމާ ރޭ 8:30ގަ އެވެ.
އެމްއޭސީއެލުން ކުރިން ބުނިގޮތުގައި ހަވާޔާ އެކު ޑްރޯން ޝޯއެއް ވެސް ބޭއްވުމަށް ވަނީ ހަމަޖައްސާފަ އެވެ.
އެނގުން މުހިއްމު - މީގެ ކުރިން އެންމެ ގިނައިރު، އަދި އެންމެ ބޮޑުކޮށް ހަވާ އަރުވާފައިވަނީ، ސިނަމާލެ ބްރިޖު ހުޅުވުމުގެ ރަސްމިއްޔާތުގަ އެވެ. އެކަމަކު އެންމެ 'ކުލަގަދަ' ހަވަޔާއެކު މާދަމާ ރޭގެ ރަސްމިއްޔާތު އަނެއްކާވެސް ތާރީހުގެ ތެރެއަށް ވަންނާނެ އެވެ.