މުޅި މާލެއިން ކަރަންޓް ކެނޑިއްޖެ އެވެ.
މާލެ ސިޓީން ކަރަންޓް ކެނޑިފައިވަނީ މީގެ ވިއްސަކަށް މިނެޓް ކުރިން ފެށިގެން 5:40 އެހާކަންހާއިރެވެ. ސްޓެލްކޯއިން ބުނީ މާލެ ސިޓީން ކަރަންޓް ކެނޑިފައިވާ ކަރަންޓް ދިނުމުގެ މަސައްކަތް ކުރަމުންދާ ކަމަށެވެ.
"ދިމާވި ޓެކްނިކަލް މައްސަލައަކާއި ގުޅިގެން މާލެއިން ވަނީ ކަރަންޓު ކެނޑިފައި. ވީއެންމެ އަވަހަކަށް އެ މައްސަލަ ހައްލު ކުރުމުގެ މަސައްކަތްތައް ދަނީ ކުރެވެމުން. ދިމާވާނެ ދަތިތަކަށް މައާފަށް އެދެން،" ސްޓެލްކޯއިން ދެންމެ ކުރި ޓްވީޓެއްގައި ބުނެފައިވެއެވެ.
މިފަދަ ވަގުތެއްގައި ގިނަ އިރުތަކަކަށް މާލެއިން ކަރަންޓް ކެނޑުމުން އާންމުންނަށް ދަތިތަކާ ވަނީ ކުރިމަތިލާން ޖެހިފައެވެ.