ބ. ގޮއިދޫގައި މިހާރު ކުރިއަށްދާ އިންޓަރ އޮފީސް ފުޓްސަލް ޓޯނަމެންޓްގެ ފައިނަލުން ފެނަކަ އާއި ގޮއިދޫ ސްކޫލް ފުރުސަތު ހޯދައިފި އެވެ.
ގޮއިދޫ ފުޓްސަލް ދަނޑުގައި ކުރިއަށްދާ މި މުބާރާތުގެ ފައިނަލުން ސްކޫލް ޓީމުން ޖާގަ ހޯދީ އެމްޑަބްލިއުއެސްސީގެ މައްޗަށް 6-0 އިން ކުރިހޯދައިގެންނެވެ. ފައިނަލުގެ ފަހު ޖާގަ ފެނަކަ އިން ހޯދީ ރޭ ކުޅުނު މެޗުން ކައުންސިލް އަތުން 9-0 އިން މޮޅުވެގެންނެވެ.
ރޭ ކުޅުނު ފުރަތަމަ މެޗުގައ ސްކޫލް ޓީމުގެ އަލީ ޖަޒްލާން އާއި ޔޫސުފް މުހައްމަދު ވަނީ ހެޓްރިކް ހަދައިފަ އެވެ. މެޗުގެ މޮޅު ކުޅުންެތެރިޔާގެ މަގާމު ހޯދީ ޔޫސުފް މުހައްމަދު އެވެ.
ދެވަނަ މެޗުގައި ފެނަކައިގެ އަހްމަދު ވިޝާމް 4 ލަނޑު ޖެހިއިރު، ޝަމްއޫން ތިން ލަނޑު އަދި އިޝާމް އާއި ހަސަން ނިޒާމް މިއިން ކޮންމެ ކުޅުންތެރިއަކު ލަނޑެއް ކާމިޔާބުކޮށްދިނެވެ.
ގޮއިދޫ އިންޓަރ އޮފީސް ފުޓްސަލް މުބާރާތް އެންމެފަހުގެ ޗެމްޕިއަން ފެނަކަ އާއި ސްކޫލް ކުޅޭ ފައިނަލް މެޗު އޮންނާއީ މިރޭ 8:30 ގަ އެވެ.