މިއީ ބަހުގެ ހަމަލާތައް ހުއްޓާލާ އެންމެން އެއް ގަލަކަށް އަރަންވީ ވަގުތު ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
މައުމޫން މިއަދު ކުރެއްވި ޓްވީޓެއްގައި ވިދާޅުވީ ރާއްޖޭގައި ކޮވިޑްގެ ހާލަތު ވަރަށް ބޮޑަށް ގޯސްވެފަައިވާއިރު އާންމު ދިރިއުޅުމަށް ގިނަ ގޮންޖެހުންތަކެއް ކުރިމަތިވެފައިވާ ކަަމަށެވެ. އެހެން ކަމުން މި ވަގުތަކީ އެއްބަޔަކު އަނެއް ބަޔަކަށް ބަހުގެ ހަމަލާ ދިނުން ހުއްޓާލާ ގައުމަށްޓަކާ އެންމެން އެއް ގަލަކަށް އަރަން ވީ ވަގުތު ކަމަށް ގަބޫލުކުރައްވާ ކަމަށް މައުމޫން ވިދާޅުވިއެވެ.
ރާއްޖޭގައިމިވަގުތުމިވަނީކޯވިޑްގެޙާލަތުވަރަށްގޯސްވެފައި. ރައްޔިތުންގެޢާންމުދިރިއުޅުމަށް ވެސް ގިނަގޮންޖެހުންތަކެއްކުރިމަތިވެފައި. އަޅުގަނޑުދެކޭގޮތުގައި މިއީ އެެއްބަޔަކުއަނެއްބަޔަކަށްބަހުގެހަމަލާތައްދިނުންހުއްޓާލާފައި އެންމެންޤައުމަށްޓަކާއެއްގަލަކަށްއަރަންވީވަގުތު.
— Maumoon Abdul Gayoom (@maumoonagayoom) May 18, 2021
ރާއްޖޭގައި ކޮވިޑްގެ ހާލަތު ވަނީ ވަރަށް ބޮޑަށް ގޯސްވެފައެވެ. އެގޮތުން އިއްޔެ އެކަނި ވެސް ރާއްޖެއިން މި ބައްޔަށް ވަނީ 1433 މީހުން ބައްޔަށް ޕޮޒިޓިވް ވެފައެވެ. އަދި ރާއްޖޭގައި ކޮވިޑްގެ 16،000 އަށް ވުރެ ގިނަ އެކްޓިވް ކޭސް އުޅޭއިރު، މި ބަލީގައި މަރުވާ މީހުންގެ އަދަދު ވަނީ 104 އަށް އަރާފައެވެ.
އެގޮތުން މި ބަލީގައި އެންމެ ގިނަ އަދަދަކަށް މީހުން މަރުވެފައިވަނީ މި މަހުއެވެ. މި މަހު އެކަނި މި ބަލީގައި ވަނީ 31 މީހަކު މި ބަލީގައި މަރުވެފައެވެ.
މާލޭގެ އިތުރުން ބަލީގެ ނުރައްކާ އަތޮޅުތެރޭގައި ވެސް އެބައޮތެވެ. އެގޮތުން އަތޮޅުތެރޭގެ 50 ރަށެއް މިވަގުތު މޮނީޓަރިންގެ ހާލަތުގައި އޮތްއިރު، 3000 އަށް ވުރެ ގިނަ އެކްޓިވް ކޭސް އަތޮޅުތެރޭގައި އުޅޭ ކަމަށް އެޗްއީއޯސީން ހާމަކުރެއެވެ.