ޕްރައިމަރީގައި ވާދަކުރައްވާ ކާމިޔާބު ނުވި ނަމަވެސް ސަޕޯޓަރުންނަށް ޝުކުރު އަދާކުރުމަށް ބޭއްވި ހާއްސަ ޖަލްސާގައި އެއްވެސް ފަރާތަކުން މައާފަށް އެދެންޖެހޭ ވަރުގެ ވާހަކައެއް ދައްކަވާފައި ނުވާނެ ކަމަށް އުމަރު ނަސީރު ވިދާޅުވެއްޖެ އެވެ.މިއަދު ނޫހަށް މައުލޫމާތު ދެއްވަމުން އުމަރު ނަސީރު ވިދާޅުވީ އޭނާގެ ސަޕޯޓަރުން ކުރެއްވި މަސައްތަށް ޝުކުރު އަދާކުރުމަށް ބޭއްވި ޖަލްސާގައި ދައްކަވާފައިވާ ވާހަކަތަކަކީ ހަގީގަތެއް ކަމަށާއި، އެއީ އެއްވެސް ފަރާާތަކުން މައާފަށް އެދެން ޖެހޭ ވަރުގެ ވާހަކަތަކެއް ކަމަށް ގަބޫލު ނުކުރައްވާ ކަމަށެވެ.އިންތިޚާބުގެ ތެރެއިންނާއި ބޭރުންވެސް އޭނާއަށް ފެނިވަޑައިގެންނެވި ކަންތައްތަކެއް އޭނާ ހާމަކުުރެއްވީ ހައްގު ބަސް ބުނުމުގެ ގޮތުން ކަމަށާއި، އަދި އޭނާއަކީ އެއްވެސް މީހަކާއި ޒާތީ ހަސަދަވެރިކަމެއް އޮންނަ މީހެއް ނޫންކަމަށް އުމަރު ވިދާޅުވިއެވެ. އަދި ދެންވެސް މަސައްކަތް ކުރައްވާނީ ޕާޓީގެ ކުރިއެރުމާއި މަސްލަހަތަށް ކަމަށްވެސް އުމަރު ވިދާޅުވިއެވެ.އުމަރު މިހެން ބުނެފައި ވާއިރު ޕީޕީއެމް ފަރާތުން ރޭ ކާނިވާ ސަރަހައްދުގެ ސްޓޭޖްގައި ބޭއްވި އެޕާޓީގެ އާއްމު ޖަލްސާގައި ވާހަކަ ދައްކަވަމުން (ޕީޕީއެމް) ގެ ރައީސް މައުމޫން އަބްދުލްގައްޔޫމް ވަނީ އެ ޕާޓީގެ އަސާސީ ގަވާއިދަށް ވުރެ މަތީގައި އެއްވެސް މީހަކަށް ނުހުރެވޭނެ ކަމަށް ބުނެފައެވެ.