ބަންގްލަދޭޝްގައި އަންނަ މަހގެ12 ގައި ބާއްވާ ރައްޔިތުންގެ މަޖިލީހުގެ އިންތިހާބާ ގުޅިގެން އެގައުމަށް ދަތުރުކުރާއިރު ވަގުތީގޮތުން އޮން-އެރައިވަލް ވިސާ ދޫކުރުން މަޑުޖައްސާލަން ނިންމި ނިންމުން އަނބުރާ ގެންގޮސްފި އެވެ.
ވީ ކިހިނެއް؟ - ރާއްޖޭގެ ފޮރިން މިނިސްޓްރީ އިން މިއަދު ނެރުނު ބަޔާނެއްގައި ބުނީ އޮން އެރައިވަލް ވިސާ ދޫކުރުން މަޑުޖައްސާލަން ނިންމި ނިންމުން  ބަންގްލަދޭޝްގެ ސަރުކާރުން އަނބުރާ ގެންދަން ނިންމާފައިވާ ކަމަށެވެ.
ތަފްސީލް - އޮން އެރައިވަލް ވިސާ ދޫކުރުން މެދުކަނޑާލާތީ އެ ގައުމަށް ދަތުރުކުރާއިރު ކުރިއާލާ ވިސާ ނަގަން އިއްޔެ އިލްތިމާސްކުރި އެވެ. ނަމަވެސް ނިންމުން ބަދަލު ކުރުމުން ބަންގްލަދޭޝްއަށް ދަތުރުކުރާ ދިވެހިންނަށް ކުރިއެކޭވެސް އެއްގޮތަށް، އޮން-އެރައިވަލް ވިސާ ލިބޭނެ ކަމަށް ފޮރިން މިނިސްޓްރީ އިން ބުންޏެވެ.
ބަންގްލަދޭޝް އަކީ މެޑިސިން ކިޔެވުމަށް ގިނަ އަދަދެއްގެ ދިވެހިން ދިރިއުޅޭ ގައުމެކެވެ.