ޖުމްލަ 8،000އަށް ވުރެ ގިނަ ދަރިވަރުންނާ އެކު، މި އަހަރުގެ އެސްއެސްސީ އަދި އޯލެވެލް އިމްތިހާނު މިއަދު ފަށައިފި އެވެ.
ވީ ކިހިނެއް؟ - އެޑިއުކޭޝަން މިނިސްޓްރީން ބުނި ގޮތުގައި، 267 ސެންޓަރެއްގައި މިއަދު އިމްތިހާނު ހަދާނެ އެވެ. މިއަދު އޮތީ އެސްއެސްސީ އިސްލާމް މާއްދާ އެވެ.
ތަފްސީލް - މި އަހަރުގެ އިމްތިހާނަށް ބަލާއިރު:
ޖުމްލަ 8،218 ދަރިވަރުން ޓެސްޓު ހަދާނެ
އެއީ ރަށްރަށުގެ 246 ސެންޓަރަކާއި މާލޭގެ 21 ސެންޓަރެއް
މާޗު މަހުގެ ނިޔަލަށް ޓެސްޓުތައް ކުރިއަށް ދާނެ
މި އަހަރު ގްރޭޑް 10 ނިންމާ ދަރިވަރުންގެ އޯލެވެލް އިމްތިހާނު ފަށާނީ އޮކްޓޫބަރު މަހުގެ ތެރޭގަ އެވެ.
މިދިޔަ އަހަރުގެ އޯލެވެލް އިމްތިހާނުގައި ބައިވެރިވި ދަރިވަރުންގެ އަދަދު މި އަހަރަށް ވުރެ ގިނަ އެވެ. އެގޮތުން، މިދިޔަ އަހަރު އިމްތިހާން ހެދީ 8،362 ދަރިވަރުންނެވެ.