މިއަދު ފާހަގަކުރާ ދިވެހިރާއްޖޭގެ 47 ވަނަ ޖުމްހޫރީ ދުވަހުގެ މުނާސަބަތުގައި، ސިފައިންގެ މިއުޒިކަލް ޑްރިލް ޑިސްޕްލޭ މާލޭގައި ބޭއްވުމަށް މޯލްޑިވްސް ނޭޝަނަލް ޑިފެންސް ފޯސްއިން ހަމަޖައްސައިފިއެވެ.
އެމްއެންޑީއެފްއިން މިރޭ ބުނީ، މިއަދު ހަވީރާއި ރޭގަނޑު ސިފައިންގެ މިއުޒިކަލް ޑްރިލް ޑިސްޕްލޭ އޮންނާނީ, ސަލްޓަން ޕާކް ކުރިމަތީގައި އޮންނަ، ނޮވެމްބަރު ތިނެއްގެ ޝަހީދުންގެ ހަނދާނީ ބިނާ ކުރިމަތީގައި ކަމަށެވެ.
މިއުޒިކަލް ޑްރިލް ޑިސްޕްލޭގެ ހުށަހެޅުންތައް ދައްކާލުމަށް ހަމަޖެހިފައިވަނީ މިއަދު ހަވީރު 16:30 އާއި 17:15 އަދި ރޭގަނޑު 20:30 ގައެވެ.
އަދި މި ޑްރިލް ބަލައިލުމަށް އާންމުންނަށް އެސަރަހައްދަށް ދެވޭނެ ކަމަށްވެސް އެމްއެންޑީއެފްއިން ބުނެއެވެ.