ރޭ މެންދަމުން ފެށިގެން ވެހެމުން ދިޔަ ވާރޭގައި މާލޭގެ ބައެއް ސަރަހައްދުތަކުގައި ފެންބޮޑުވެއްޖެ އެވެ.
މޫސުން ގޯސްވެ، މާލެ ސަރަހައްދު ހިމެނޭހެން ބ. އަތޮޅުން ފެށިގެން މ. އަތޮޅާ ހަމައަށް މޫސުމާ ބެހޭ ގައުމީ އިދާރާއިން، މިއަދު ހެނދުނު 9:00 އާ ހަމައަށް ޔެލޯ އެލާޓު ނެރެފައި ވާއިރު، މާލެ އަށް ވެހެމުންދާ ވާރޭގައި އެންމެ ބޮޑަށް ފެން ބޮޑުވެފައި ވަނީ މާފަންނު ސަރަހައްދުގަ އެވެ.
މާލޭގެ ބައެއް މަގުތަކުގައި ހިނގާބިނގާވުމަށް ދަތިވާ މިންވަރަށް ފެންބޮޑުވެފައި ވާއިރު، މާފަންނު ބައެއް ސަރަހައްދުތަކުގައި ވެހިކަލް ދުއްވަން ދަތިވާ މިންވަރަށް ފެންބޮޑުވެފައިވެ އެވެ.
ނަމަވެސް، ފެން ހިންދުމުމަށް ޕަމްޕުތައް ބޭނުންކުރަން ފަށާފައެއް ނުވެ އެވެ.
މާލޭގައި ފެންބޮޑުވާ މައްސަލަ ހައްލުކުރުމަށް ސިޓީ ކައުންސިލުން ގެނައި ބޮޑެތި ޕަމްޕުތައް ހަވާލުކުރީ އެމްއެމްޑީއެފްއާ އެވެ. އެތަނެތި ހިންގައި ބަލަހައްޓަނީ އެމްއެންޑީއެފްއިންނެވެ.
އައިޖީއެމްއެޗް ހުންނަ ކަނބާއައިޝާރަނި ހިނގުމުގައި ފެންބޮޑުވެފައި. -- ފޮޓޯ: އަދަދު
މިއަދު ހެނދުނު ވެހެމުންދިޔަ ވާރޭތެރޭގައި އާމީނިއްޔާ ސްކޫލާއި އިސްކަންދަރު ސްކޫލަށް ދަރިވަރުން ގޮވައިގެން ބެލެނިވެރިން ދަނީ. -- ފޮޓޯ: އަދަދު