އެންޑީއެމްއޭ އިން ވަނީ އެއިދާރާގެ އެހީތެރިކަމެއް ބޭނުންވެއްޖެނަމަ ހޮޓްލައިން 115 އަށް ގުޅާ، ރިޕޯޓުކުރުމަށް އެދިލައްވާފަ
ރާއްޖޭގެ އެކި ކަންކޮޅުތަކަށް ކުރިއަށްއޮތް ފަސްދުވަހު މޫސުން ގޯސްވާނެކަމަށް ލަފާކުރެވޭތީ އެކަމުން ލިބިދާނެ ގެއްލުންތައް ކުޑަކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ހާއްސަ އިރުޝާދު ގެމަތިން ޖޮއިންޓް ޓާސްކްފޯހެއް އެކުލަވާލައިފި އެވެ.
މިޓާސްކްފޯހުގައި ހިމެނެނީ އެމްއެންޑީއެފް، ޕޮލިސް އަދި ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ)ގެ ޓީމުތަކެވެ.
މިކަމާގުޅޭގޮތުން މައުލޫމާތު ހިއްސާކުރުމަށް މިއިދާރާތަކުން މިއަދު ބޭއްވި ނޫސްވެރިންގެ މިބައްދަލުވުމުގައި މައުލޫމަތު ދެމުން ފުލުހުން ބުނީ މާލޭގެ އިތުރުން ރާއްޖޭގެ އެކިކަންކޮޅުގައި ފުލުހުން ހަރަކާތްތެރިވާ ރަށްތަކުގައި ދިރިއުޅޭ ރައްޔިތުންނަށް އެ ހިދުމަތުގެ ފުރިހަމަ އެއްބާރުލުން ލިބިގެންދާނެ ކަމަށެވެ. އަދި ފުލުހުން ހަރަކާތްތެރިނުވާ ރަށްތަކަށްވެސް އެރަށަކާ އެންމެ ކައިރީގައި ހަރަކާތްތެރިވާ ފުލުހުންގެ އެހީތެރިކަން ލިބޭނެކަމަށެވެ.
ފުލުހުން އިތުރަށް ބުނީ ފެންބޮޑުވާ ސަރަހައްދުތަކުގައި ބަރުއުޅަނދު ދުއްވުމުން އެސަރަހައްދުތަކުގައި ހުންނަ ގެތަކަށާއި ފިހާރަތަކުގެ އިތުރުން އާންމުންނަށް ވެސް އުނދަގޫތަކާ ކުރިމަތިލާން ޖެހޭތީ އެފަދަ ސަރަހައްދުތައް ފާހަގަކޮށް، އެސަރަހައްދުތަކަށް އުޅަނދުތަކަށް ނުވަދެވޭގޮތަށް ބަންދުކުރާނެ ކަމަށެވެ.
އެންޑީއެމްއޭގެ ފަރާތުން ބުނެފައި ވަނީ ރެއިންފެށިގެން އެއިދާރާގެ އެމަޖެންސީ އޮޕަރޭޝަންސް ޓީމު ހަރަކާތްތެރިވަމުން އަންނަކަމަށާއި، އެގޮތުން މިހާތަނަށް 57 އަށްވުރެ ގިނަ ތަނުގައި ވެލިބަސްތާ ޖަހާފައިވާނެ ކަމަށެވެ. އަދި އިތުރަށް ޖަހަން ޖެހިއްޖެ ތަނެއްގައި ވެލިބަސްތާ ޖެހުމުގެ މަސައްކަތްވެސް ކުރާނެކަމަށް ބުންޏެވެ.
އެންޑީއެމްއޭއިން ވަނީ އެއިދާރާއިން ނެރެފައިވާ އެޑްވައިޒަރީގައިވާ ކަންކަމަށް ހާއްސަ ސަމާލުކަމެއް ދިނުމަށް އެދިފަ އެވެ. އެގޮތުން ވަކިން ހާއްސަ ގޮތެއްގައި ސަމާލުކަން ދޭންވީ ކަންކަން ފާހަގަކޮށްފައިވެ އެވެ. އެގޮތުން؛
މީގެއިތުރުންވެސް މޫސުމާބެހޭ ގައުމީ އިދާރާގެ ނިއުސް ބުލެޓިންއަށް ސަމާލުކަން ދިނުމަށްވެސް އެދިފައިވެ އެވެ. އަދި ހާއްސަ ގޮތެއްގައި، އާންމުކޮށް އުދައަރާ ރަށްތަކުގެ ދަނޑުބިންތަކަށް ސަމާލުކަން ދިނުމަށާއި، އެތަންތަނަށް ގެއްލުން ނުވާނެފަދައިން ރައްކާތެރިކުރުމަށްވެސް އެންޑީއެމްއޭ އިން ވަނީ އިލްތިމާސްކޮށްފަ އެވެ. 
ސިފައިންގެ ފަރާތުންވެސް ވަނީ ކަނޑުދަތުރު ކުރާއިރު މޫސުމަށް ހާއްސަ ސަމާލުކަމެއް ދިނުމަށް އިލްތިމާސްކޮށްފަ އެވެ. އަދި ކަނޑުމަތީގެ ސަލާމަތްކަން ބެލެހެއްޓުމުގައި ސިފައިން ހަރަކާތްތެރިވާނެކަމުގެ ޔަގީންކަން ދީފައިވެ އެވެ.ބޭ އޮފް ބެންގާލުގައި ކޮޅިގަނޑެއް އުފެދި ކުރިއަށް އޮތް ފަސް ދުވަހަށް މޫސުން ގޯސްވާނެ ކަމަށް މޫސުމާ ބެހޭ ގައުމީ އިދާރާއިން ވަނީ ބުނެފަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ