އިނގިރޭސި ޕްރިމިއާ ލީގުގައި ރޭ ޗެލްސީ ބަލިކޮށް އާސެނަލުން ލީގުގެ އެއް ވަނައިގައި ފަސް ޕޮއިންޓުގެ ލީޑެއް ނަގައިފިއެވެ. އަމިއްލަ ދަނޑުގައި ކުޅުނު މެޗުން އާސެނަލް މޮޅުވެފައިވަނީ 2-1 ގެ ނަތީޖާއަކުންނެވެ. މި މޮޅާއެކު ތާވަލުގެ އެއްވަނައިގައި އާސެނަލް އޮތީ ކުޅުނު 29 މެޗުން ލިބުނު 64 ޕޮއިންޓާއެކުއެވެ. ތާވަލުގެ ދެވަނަ މަގާމުގައި ސިޓީ އޮތީ ކުޅުނު 28 މެޗުން ލިބުނު 59 ޕޮއިންޓާއެކުއެވެ. އަދި އިއްޔެ ކުޅުނު މެޗުން ލިބުނު މޮޅާއެކު ޔުނައިޓެޑު ތާވަލުގެ ތިންވަނަ މަގާމަށް ޖެހުނީ ކުޅުނު 28 މެޗުން 51 ޕޮއިންޓާއެކުއެވެ. ހަތަރުވަނައިގައި އޮތް އެސްޓަން ވިލާވެސް އޮތީ ހަމަ މި ޕޮއިންޓާއެކުއެވެ. ފަސްވަނަ މަގާމުގައި އޮތީ ލިވަޕޫލެވެ. އެއީ ކުޅުނު 28 މެޗުން 48 ޕޮއިންޓު ހޯދައިގެންނެވެ. އަދި ހަވަނަ މަގާމުގައި ހަމަ މިއަދަދަށް މެޗު ކުޅެގެން ޗެލްސީ އޮތީ 45 ޕޮއިންޓާއެކުއެވެ. އާސެނަލްގެ ފަރާތުން މޮޅު ކުޅުމެއް ފެނިގެންދިޔަ މި މެޗުގައި އެޓީމުން ވަނީ ލީޑު ނަގާފައެވެ. މިއީ ވިލިއަން ސަލީބާ ކާމިޔާބުކުރި ލަނޑެވެ. ޗެލްސީން އެއްވަރުކުރި ލަނޑަކީ ބައިކޮޅަށް ވަން ލަނޑެކެވެ. މިއީ އާސެނަލްގެ ޕިއޭ ހިންކަޕިއޭ އަތުން ވަނީ ބައިކޮޅަށް ލަނޑެކެވެ. މެޗުން އާސެނަލް މޮޅުވި ލަނޑު ކާމިޔާބުކުރީ ޖޫރިއަން ޓިމްބާއެވެ. މިއީ ލިބުނު ކޯނަރަކުން އޭނާ ކާމިޔާބުކުރި ލަނޑެކެވެ. ތާވަލުގެ ތިންވަނަ މަގާމަށް މެންޗެސްޓާ ޔުނަައިޓެޑު ޖެހުނީ ކްރިސްޓަލް ޕެލަސްއާ ވާދަކޮށް 2-1 ގެ ނަތީޖާއަކުން މެޗު ކާމިޔާބުކޮށްގެންނެވެ. މީގެއިތުރުން ޓޮޓްނަމް ވަނީ ރޭ ފުލަމް އަތުން 2-1 އިން ބަލިވެފައެވެ.