ރޯދަ މަހުގެ ދެ ވަނަ ހަފުތާ ނިމުނު އިރު، މަގުމަތީގެ އެކްސިޑެންޓުތައް ގިނަވެފައިވާކަން ފުލުހުންގެ ތަފާސްހިސާބުތަކުން ދައްކައިފި އެވެ. އެގޮތުން، އެންމެ ގިނަ އެކްސިޑެންޓުތައް ހިނގާފައިވަނީ ހުޅުމާލޭ ފުރަތަމަ ފިޔަވަހީގަ އެވެ.
ވީ ކިހިނެއް؟ - ރޯދަ މަހުގެ ޓްރެފިކް އެކްސިޑެންޓުތަކާ ގުޅޭ ތަފާސްހިސާބުތައް ފުލުހުން އާއްމު ކުރަމުން އަންނައިރު، ފުރަތަމަ ހަފުތާގެ ތެރޭގައި މާލޭގައި ވަނީ 107 އެކްސިޑެންޓް ހިނގާފަ އެވެ. ދެ ވަނަ ހަފުތާ ނިމުނު އިރު އެ އަދަދު ވަނީ 122 އަށް އިތުރުވެފަ އެވެ.
ތަފްސީލް - ތަފާސްހިސާބުތަކަށް ބަލާއިރު:
އެންމެ ގިނައިން އެކްސިޑެންޓުތައް ހިނގާފައިވަނީ ހުޅުމާލޭ ފޭސް1ގައި؛ އެއީ 35 އެކްސިޑެންޓް
ފުރަތަމަ ހަފުތާގައި އެންމެ ގިނައިން އެކްސިޑެންޓްތައް ހިނގީ މަޖީދީމަގާއި ސިނަމާލެ ބްރިޖް އަދި ހައިވޭގައި
މިދިޔަ އަހަރުގެ ރޯދަ މަހުގެ މި ދުވަސްވަރާއި މި އަހަރުގެ ރޯދަ މަހާ މާ ބޮޑު ފަރަގެއް އުޅޭ ކަމަކަށް ނުދައްކާ
މިދިޔަ ރޯދަ މަހުގެ ދެ ވަނަ ހަފުތާގައި ވެސް ގިނަ އެކްސިޑެންޓުތަކެއް ފޭސް 1ގައި ވަނީ ހިނގާފައި
އެނގުން މުހިއްމު - މި ރޯދަމަހުގައި މިހާތަނަށް ނުރައްކާތެރި ދެ އެކްސިޑެންޓެއް ހިނގައި، އެއިން އެއް އެކްސިޑެންޓްގައި ހިމެނޭ 16 އަހަރުގެ ކުއްޖަކު ވަނީ މަރުވެފަ އެވެ.