ރައްޔިތުންގެ މަޖިލީހުގެ ކުރެންދޫ ދާއިރާއަށް އިންތިޚާބުވި މެންބަރު ޝާމިން ހަބީބުވެސް މިއަދު ޕީއެންސީއަށް ސޮއި ކުރައްވައިފި އެވެ.
ކުރެންދޫ ދާއިރާއަށް އިންތިޚާބުވި މެންބަރު ޝާމިން ހަބީބު މިއަދުގެ ވަގުތެއްގައި ޕީއެންސީއާ ގުޅިވަޑައިގެންފައިވާއިރު، ޝާމިންގެ ފޯމާއި ހަވާލުވެވަޑައިގެންނެވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.
ޝާމިން ހަބީބަކީ، ކުރެންދޫ ދާއިރާއަށް ކުރިމަތިލެއްވި 5 ކެނޑިޑޭޓުންގެ ތެރެއިން އިންތިޚާބުވި މިނިވަން ކެނޑިޑޭޓެކެވެ. ޝާމިން އިންތިޚާބު ކާމިޔާބު ކުރައްވާފައިވަނީ ޖުމުލަ 741 ވޯޓު ހޯދައިގެންނެވެ. 
20 ވަނަ ރައްޔިތުންގެ މަޖިލީހުގެ އިންތިޚާބުގައި ޕީއެންސީއިން ސުޕަރމެޖޯރިޓީއެއް ހޯދި އިރު، އިންތިޚާބަށްފަހު، އަމިއްލަ ގޮތުން ވާދަކުރައްވައި ގޮނޑި ކާމިޔާބު ކުރެއްވި ހަތް މެންބަރުން ވަނީ މީގެ ކުރިން ވެސް ޕީއެންސީއާ ގުޅިވަޑައިގަންނަވާފައެވެ. އަލަށް ޕީޕީއެމް އަށް ސޮއިކުރެއްވި މި މެންބަރާއި އެކު 20 ވަނަ ރައްޔިތުންގެ މަޖިލީހުގައި ޕީއެންސީގެ ޖުމްލަ މެންބަރުންގެ އަދަދަކީ 74 އެވެ.