ހުޅުމާލެ ހިޔާ ފްލެޓުތަކާ ދިމާލުން މޫދަށް ފޭބިފަހުން ގެއްލިގެން ހޯދަމުން ދިޔަ މީހާ ފެނިއްޖެއެވެ.
ފުލުހުން ވިދާޅުވި ގޮތުގައި ގެއްލިގެން ހޯދަމުންދިޔައީ ފުވައްމުލައް ސިޓީގެ 37 އަހަރުގެ އިބްރާހިމް ޝާހިން ކަމަށެވެ. އޭނާ ގެއްލިގެން ފުލުހުންނަށް ރިޕޯޓް ކުރީ މިރޭ 21:30 ގައެވެ.
ގެއްލުނުކަމުގެ ރިޕޯޓް ލިބުމާއެކު އެމްއެންޑީއެފް އަދި މެރިން ޕޮލިސް ގުޅިގެން އޭނާ ހޯދުމުގެ މަސައްކަތް ފެށިއިރު މިރޭ 11:50 ހާއިރު އޭނާ ފެނިފައިވާ ކަމަށް ފުލުހުން ވިދާޅުވެއެވެ.
އޭނާ ފެނުނީ ހުޅުމާލެ ދެވަނަ ފިޔަވަހިން ކަމަށާއި ފެނުނުއިރު ހާލު ރަނގަޅު ކަމަށް ވެސް ފުލުހުން ވިދާޅުވިއެވެ.