މަސްވެރިކަމުގެ ދާއިރާގެ ތަރައްގީއަށް ދިރާސާއެއް ކުރުމަށް ކޮންސަލްޓަންސީ ފަރމެއް ހޯދުމަށް، މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއިން އިއުލާނުކޮށްފިއެވެ.
މަސްވެރިކަމުގެ ތަރައްގީއަށް ދިރާސާކޮށްދޭނެ ފަރާތެއް ހޯދުމަށް މިނިސްޓްރީން އިއުލާނުކޮށްފައިވާއިރު މަސްވެރިކަމާއި ކަނޑުގެ ވަސީލަތާއި ބެހޭ 25 އަހަރުގެ މާސްޓާރ ޕްލޭނެއް އެކުލަވައިލުމަށް ސަރުކާރުން ވަނީ ނިންމާފައެވެ.
ފިޝަރީޒް މިނިސްޓްރީން މީގެ ކުރިން ބުނީ ރާއްޖޭގެ ތަރައްގީއަށް ކުރެވޭ ކަންކަމަކީ ރޭވިފައިވާ ޕްލޭނެއްގެ ދަށުން ކުރާ ކަންތައްތަކަށް ހެދުމަށްޓަކައި ގާނޫނަކުން ބާރުލިބޭ ގައުމީ ތަރައްގީގެ 20 އަހަރުގެ ޕްލޭނެއް އެކުލަވާލެވުމަކީ ރައީސް ޑރ.މުހައްމަދު މުއިއްޒުގެ ވައުދުފުޅެއްކަމަށެވެ.