ފަޒުލް އަށް އެސްޓީއޯގެ އެމްޑީކަން މުއިއްޒު ހުށައަޅުއްވައިފި ކަމަށް ފަޒުލްގެ ގާތް އެކުވެރިއަކު، ހަސަން ކުރުސީއަށް މައުލޫމާތު ދެއްވައިފިއެވެ.
އެސްޓީއޯ އަކީ، އެޗްޑީސީ އަށް ވުރެ ބޮޑު ކުންފުންޏެކެވެ. އަދި ވައްކަން ކުރުމަށް އިތުރު ބައިވަރު ފުރުޞަތުތަކާއި ފައިސާތައް އޮތް ކުންފުންޏެކެވެ. މިހާތަނަށް އެއްވެސް ބޮޑު ވައްކަމުގެ މައްސަލައެއް ފުޅާ ދާއިރާއެއްގައި އައިސްފައި ނުވާ އެސްޓީއޯއިން އެތައް ބިލިއަން ރުފިޔާގެ ފައިސާއެއްގެ ވައްކަން ކުރެވޭނެ މަގު، މުއިއްޒަށް ދަނީ ފެންނަމުންނެވެ. މިފަދަ ކަމަކަށް އެންމެ ގާބިލު ފަރާތަކަށް ވާނީ، އެޗްޑީސީއިން ވައްކަން ކޮށް އެތައް މިލިއަނެއް އެތަނަކުން މުއިއްޒަށް ހޯދައި ދިން ފަޒުލް ނޫން ވަކި ކޮން ފަރާތެއް ތޯއެވެ.
މުއިއްޒުގެ ނުފޫޒު އިންތިހާއަށް އޮތް އޭސީސީއިންނާއި، ފުލުހުންގެ މުއައްސަސާއިން މިކަން ހިންދާލުމަށް މަސައްކަތް ކުރަމުން ދަނިކޮށް، މި މައްސަލަ ބަލަމުންދާ ފުލުހުންގެ އިސް ފަރާތަކީވެސް ފަޒުލް އާއި މުއިއްޒުގެ ވައްކަމުގެ ފައިދާ ހާސިލްކޮށް ވިނަރެސް އިން ފްލެޓް ނަގާފައިވާ ފަރާތެއްކަން ވަނީ ހާމަވެފައެވެ. މިކަންވެސް ފުލުހުންނަށް އެނގުނީ ހަސަން ކުރުސީގެ ފަރާތުންނެވެ.
ފަޒުލް އަށް ވައްކަން ކުރުމުން ޕްރޮމޯޝަނެއް ގޮތުގައި އެސްޓީއޯގެ އެމްޑީކަން ދޭ އަނެއް ސަބަބަކީ ރައީސް މުއިއްޒު ފޮނުވާފައިވާ ޓެކްސް މެސެޖްތައް ފަޒުލް އަތުގައި ހުރުމުންނެވެ. ފަޒުލް ވަނީ މިހާރު އެ މެސެޖްތައް ހުރި ފޯނު ފޮރުވާފައެވެ. މިހާރު ބޭނުން ކުރަމުން ދަނީ އާ ފޯނެކެވެ. މިގޮތަށް އަމަލު ކޮށްފައި ވަނީ މުއިއްޒު އަންގައިގެން ފުލުހުން އޭނާގެ ފޯނު އަތުލައި މުއިއްޒު ފޮނުވާފައިވާ މެސެޖްތައް ޑިލީޓް ކޮށްފާނެ ކަމަށް ޓަކައި ކަމަށް ފަޒުލްގެ ގާތް ފަރާތަކުން ހާމަ ކުރެއެވެ. އެހެން ކަމުން މުއިއްޒަށް ފަޒުލް ރުއްސުން ނޫން އެއްވެސް ގޮތެއް ނެތެވެ.