އެޗްޑީސީގެ ތެރޭގައި އެކުންފުނީގެ މެނޭޖިންގ ޑިރެކްޓަރު ފަޒުލް ރަޝީދު އުސޫލާ ހިލާފަށް ކަންކަން ކުރައްވާތީ އެކަމުގެ ޝަކުވާ ހިމެނޭ ސިޓީއެއް ލިބިވަޑައި ނުގަންނަވާކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެޗްޑީސީގެ ތެރޭގައި ހިނގާދިޔަ ހިޔާނާތާ ގުޅޭގޮތުން ކުރީގެ އެތަނުގެ ޗެއާމަން އަހުމަދު ޒުހޫރު، ރައީސުލްޖުމްހޫރިއްޔާއަށް މީގެ ފަސްމަސް ދުވަސްކުރިން ސިޓީފުޅެއް ފޮނުއްވިތޯ ނޫސްވެރިޔަކު މިއަދު ކުރި ސުވާލަކަށް ޖަވާބުދެއްވަމުން ރައީސް ޑރ.މުއިއްޒު ވިދާޅުވީ، އެ ފާހަގަކުރާ ސިޓީއެއް އެމަނިކުފާނަށް ލިބިވަޑައި ނުގަންނަވާކަމަށެވެ.
ރައީސް ވިދާޅުވީ އެފަދަ ސިޓީއެއް ލިބިވަޑައިގެންނެވިނަމަ، އެކަން ބަލައި އަޅުއްވަންޖެހޭ ފިޔަވަޅުތައް އެޅުއްވީސް ކަމަށެވެ. 
Advertisement
ކޮރަޕްޝަން ނުވަތަ ޤަވާއިދާ ހިލާފަށް ކުރާ އެއްވެސް ކަމެއް ހުއްޓުވުމަށް އަޅުގަނޑު ފަހަތަކަށް ނުޖެހޭނަން. 
ރައީސް ޑރ.މުއިއްޒު ވިދާޅުވިއެވެ
ރައީސް ވިދާޅުވީ ކޮރަޕްޝަނާއި އުސޫލުން ބޭރުން ކަންކަން ކުރެެއްވުމުގެ ފުރުސަތު އެއްވެސް ފަރާތަކަށް ނުދެއްވާނޭކަމަށެވެ. މިގޮތުން މިފަދަ ކަންކަމުގައި މީގެ ކުރިންވެސް ކަމާބެހޭ ފަރާތްތަކަށް ދަންނަވައިގެން ފިޔަަވަޅުތައް އަޅާފައިވާކަމަށެވެ. ރައީސް ވިދާޅުވީ އެމަނިކުފާނު ބޭނުންވަނީ މި ސަރުކާރަކީ ކޮރަޕްޝަނާ ފަސާދައާއި ޤާނޫނާއި ޤަވާއިދުން ބޭރުން ކަންކަން ނުކުރާ ސަރުކާރަކަށް ވުންކަމަށެވެ. ރައްޔިތުންނަށް ވީ ވައުދަކީވެސް އެއީކަމަށް ރައީސް ޑރ.މުއިއްޒު ވިދާޅުވިއެވެ.
އިތުރު ތަފްސީލް އަންނަނީ