މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން ހޯދަން ހުށަހަޅާ މައުލޫމާތު ނުދޭން އެކި ފަހަރު އެކި ސަބަބު ދެއްކުމަކީ ކޯރެއްގެ އައްސޭރިފަށުގެ އެކި ހިސާބުތަކުން ދޮށި އުކައިގެން ވިޔަސް މަހެއް ބޭނޭތޯ އުޅުން ފަދަ ކަމެއް ކަމަށް ސުޕްރީމް ކޯޓުގެ ފަނޑިޔާރު އައިޝާ ޝުޖޫން މުހައްމަދު މިއަދު ވިދާޅުވެއްޖެއެވެ. އަމީނީ މަގު ހެދުމުގެ މަޝްރޫއާ ގުޅޭ އެއްބަސްވުމުގެ މައުލޫމާތުތަކެއް ހޯދަން ހުށަހެޅީ އެކްޓިވިސްޓް އަޙްމަދު އަފްރާހް އިސްމާއިލެވެ. އިންފޮމޭޝަން ކޮމިޝަން (އައިކޮމް)އަށް އޭނާ ޝަކުވާ ހުށަހެޅީ އެ މައުލޫމާތު ނުދީގެންނެވެ. އޭނާ މައުލޫމާތު ހޯދަން އެދުނީ އޮގަސްޓް 31، 2022 ގައެވެ. ގާނޫނުގައި ބުނާ 21 ދުވަހުގެ މުއްދަތު ހަމަވާން ގާތްވުމުން ހައުސިން މިނިސްޓްރީން ވަނީ އެ މުއްދަތު ގާނޫނުން ލިބިދޭ ފުރުސަތުގެ ތެރެއިން އިތުރު 14 ދުވަހަށް އިތުރުކޮށްފައެވެ. އެ މުއްދަތު ވެސް ހަމަވި ފަހުން މިނިސްޓްރީން ވަނީ ބައެއް މައުލޫމާތު ހާމަކޮށްފައެވެ. އެހެންވެ، ހާމަނުކުރާ މައުލޫމާތާ ގުޅިގެން މިނިސްޓްރީން ވަނީ ހައިކޯޓުގައި ކުރިން އައިކޮމްގެ އަޑުއެހުމުގައި ނުދައްކާ ގިނަ ސަބަބުތަކެއް ދައްކާފައެވެ. ސުޕްރީމް ކޯޓުގައި އެ މައްސަލަ ބެއްލެވި ބެންޗުގެ ރިޔާސަތުގައި އިންނެވި ފަނޑިޔާރު ޝުޖޫން މިއަދު ވިދާޅުވީ، މި ނޫން މައްސަލަތަކުގައި ވެސް މައުލޫމާތު ހިފަހައްޓަން ދައުލަތުން އެކި މަރުހަލާގައި އެކި ސަބަބުތައް ދައްކާކަން ފާހަގަކުރެވިފައިވާ ކަމަށެވެ. އެއީ، ކުރެވޭނެ ކަމެއް ނޫން ކަމަށް އޭނާ ވިދާޅުވިއެވެ. ސުޕްރީމް ކޯޓުން މި މައްސަލައިގައި ހުކުމްކުރަން ބޭއްވި އަޑުއެހުމުގެ ތެރެއިން: އެ ކޯޓުން ވަނީ މައުލޫމާތު ހާމަކުރަން ހައިކޯޓުން ކުރި ހުކުމް ދަމަހައްޓާފައި --- "އެއިން ވަކިވަކި ނުވަތަ ކޮންމެ މަރުހަލާއެއްގައި މައުލޫމާތު ދެވެން ނެތް ސަބަބުގެ ގޮތުގައި އެކި ފަހަރު އެކި ސަބަބު ހުށަހެޅުމަކީ ކޯރެއްގެ އައްސޭރިފަށުގެ އެކި ހިސާބުތަކުން ދޮށި އުކައިގެން ވިޔަސް މަހެއް ބޭނޭތޯ އުޅުން ފަދަ ކަމެއް،" ރައުޔު އިއްވަވަމުން ފަނޑިޔާރު ޝުޖޫން ވިދާޅުވިއެވެ. "އެކި މަރުހަލާގައި މައުލޫމާތެއް އިސްތިސްނާ ވަނީ އެކި އަސާސްގެ މައްޗަށް ކަމުގައި ބުނާނަމަ، މައުލޫމާތު ނުދިނުމަށް ނިންމާފައިވަނީ ހަރުދަނާ ސަބަބުތަކެއްގެ މައްޗަށް ކަމަށް ބަލައިގަތުމާއި އަދި އަދުލުވެރި ނިންމުންތައް ނިންމުމަށް ހުރަސްތަކެއް ކުރިމަތިވެދާނެތީ،" ފަނޑިޔާރު ވިދާޅުވީ، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ރޫހަކީ މައުލޫމާތު ވީހާ ވެސް ފުޅާ މިނެއްގައި ހާމަކުރުން ކަމަށެވެ. ފަނޑިޔާރު ޝުޖޫންގެ ރައުޔަށް ފަނޑިޔާރު އަޒްމިރަލްދާ ޒާހިރު ތާއީދުކުރެއްވިއެވެ. އެކަމަކު، ފަނޑިޔާރު މަހާޒް އަލީ ޒާހިރު ވަނީ އައިކޮމްގެ ނިންމުންތައް ބެލޭނެ ފަހު މަރުހަލާއަކީ ހައިކޯޓު ކަމަށް ވިދާޅުވެފައެވެ. އޭނާ ވިދާޅުވީ، ގާނޫނުގައި ބަޔާންކުރަނީ ހައިކޯޓު އެކަނި ކަމަށާއި އެހެންވެ، މި ފަދަ މައްސަލަތަކުގައި އެންމެ ފަހު ނިންމުން ނިންމާނީ ހައިކޯޓުން ކަމަށެވެ. އެކަމަކު، ފަނޑިޔާރު ޝުޖޫންއާއި އަޒްމިރަލްދާގެ އަގުލަބިއްޔަތުން ކުރި ހުކުމުގައި ސުޕްރީމް ކޯޓަށް މައްސަލަ ނުބެލޭނެ ކަމަށް ކަނޑައަޅަންޖެހޭ ގާނޫނީ ސަބަބެއް ނެތް ކަމަށެވެ. އެހެންވެ، އިލްތިމާސާ މެދު ހައިކޯޓުން ނިންމި ނިންމުން ބާތިލުކޮށް، މައުލޫމާތު ދޭން ނިންމި ނިންމުން ދަމަހައްޓަން ވަނީ ހުކުމްކޮށްފައެވެ.