އެކަކު އަނެކަކަށް ކަމޭހިތާ ތަހުޒީބު ބަޔަކަށް ވާން ނުވޭތޯ ކުރީގެ ރައީސް މައުމޫން އަބްދުލްގައްޔޫމް ސުވާލު ކުރައްވައިފި އެވެ.
އެކްސްގައި ކުރެއްވި ޕޯސްޓެއްގައި މައުމޫން ވަނީ އާ އަހަރުގެ މެސެޖަކީ އެއްބަޔަކު އަނެއް ބަޔަކަށް ހެއްދެވި ނެހެއްދެވިޔަށް ގޮވުމަށް ލިބޭ ފުރުސަތެއްތޯ ސުވާލު ކުރައްވާފަ އެވެ. އަދި ތަސައްރަފު ފުދޭ ބަޔަކަށް ވާން ނުޖެހޭތޯ ސުވާލު ކުރައްވާފައިވެ އެވެ.
"އަޅުގަނޑުމެން ތަންކޮޅެއް ތަސައްރުފު ފުދޭކަށް ނުވޭބާ؟ ހަމަޖެހިލައިގެން އެކަކު އަނެކަކަށް ކަމޭހިތާ ތަހުޒީބު ބަޔަކަށް ވާކަށް ނުވޭބާ," މައުމޫންގެ ޕޯސްޓްގައި ވެ އެވެ.
އާއަހަރުގެ މެސެޖަކީ އެއްބަޔަކު އަނެއް ބަޔަކަށް ހެއްދެވި ނެހެއްދެވިޔަށްގޮވުމަށް ލިބޭ ފުރުޞަތެއްބާ؟ އަޅުގަނޑުމެން ތަންކޮޅެއް ތަޞައްރުފު ފުދޭކަށް ނުވޭބާ؟ހަމަޖެހިލައިގެން އެކަކު އަނެކަކަށް ކަމޭހިތާ ތަހުޒީބު ބަޔަކަށް ވާކަށް ނުވޭބާ؟
— Maumoon Abdul Gayoom (@maumoonagayoom) January 1, 2026
މައުމޫން މުހިންމު ތިން ސުވާލު މައުމޫން އަމާޒުކުރެއްވިއިރު، ސޯޝަލް މީޑިއާ އާއި ޓިކްޓިކް ލައިވްތަކުގައި މީހުންގެ އަބުރަށް އަރައިގަތުން ފަދަ ކަންކަން ވަނީ އާންމު ކަމަކަށް ވެފަ އެވެ.