ޕާޓީގެ ލީޑަރު ކިތަންމެ ބޮޑު ނުބައި ކަމެއް ކުރިޔަސް ހަނުހުރުން ނޫނީ ސަނާކިޔުން ނޫން ގޮތެއް މެންބަރަކަށް ދެން ނޯންނާނެ ކަމަށް ކުރީގެ ހޯމް މިނިސްޓަރު އުމަރު ނަސީރު މިއަދު ވިދާޅުވެއްޖެއެވެ.ސޯޝަލް މީޑިއާ ޕޯސްޓެއްގައި އޭނަ މިއަދު ވިދާޅުވީ ދެން ލީޑަރު ނުރުހޭ ގޮތަކަށް އަމަލުކޮށްފި ނަމަ ނުވަތަ ޚިޔާލު ތަފާތު ވެއްޖެނަމަ ނުވަތަ ވޯޓުދީފި ނަމަ ޕާޓީން ވަކިކޮށްލުމުން މަޖިލިސްގެ މެންބަރުކަން ގެއްލިގެން ދާނެ ކަމަށެވެ."ޕާޓީގެ ލީޑަރު ކިތަންމެ ބޮޑު ނުބައި ކަމެއް ކުރިޔަސް ހަނުހުރުން ނޫނީ ސަނާކިޔުން ނޫން ގޮތެއް މެންބަރަކަށް ދެން ނޯންނާނެ." ގާނޫނުއަސާސީއަށް އިއްޔެ ގެނައި އިސްލާހާ ގުޅިގެން އުމަރު ވިދާޅުވި އެވެ.އޭނަ ވިދާޅުވީ މަޖިލިސް މެންބަރުގެ އަމިއްލަ ވިސްނުމާއި ފިކުރަށް ވަކާލާތުކޮށް ވޯޓު ދިނުން ވެސް ދެން ނިމުމަމަކަށް އައީ ކަމަށެވެ."ދެރައީ އަމިއްލަ ގައިގާ ވަޅިއެ ރޭއިރު ވެސް މަޖިލިސް މެންބަރުންނަށް އެކަން ނޭނގޭކަން." އުމަރު ވިދާޅުވި އެވެ.ސަރުކާރުން ވަނީ މައިގަނޑު ތިން ކަމެއް ގާނޫނުއަސާސީގައި ހިމަނަން އިއްޔެ ހުށަހަޅާފައެވެ. އެއީ؛މެންބަރުން ޕާޓީ ބަދަލުކުރުމުން ނުވަތަ ޕާޓީން ވަކިކުރުމުން ނުވަތަ އެހެން ޕާޓީއަކަށް ގުޅުމުން ވަގުތުން ގޮނޑި ގެއްލޭ ގޮތް ހެދުންރާއްޖޭގެ ސަރަހައްދުން ބައެއް ދޫކޮށްލެވޭނީ ރައްޔިތުންގެ މަޖިލީހުން ފާސްކޮށްގެން ކަމަށް ހެދުންރާއްޖޭގައި ބޭރު ގައުމެއްގެ އެއްވެސް އަސްކަރީ ބަޔަކަށް ތިބެވޭނީ މަޖިލީހުން ފާސްކޮށްގެން ކަމަށް ހެދުންއަވަސް އަރުވާލައިގެން ގާނޫނުއަސާސީ އިސްލާހުކުރާ ކަމަށް ބުނެ، އިދިކޮޅު އެމްޑީޕީން ވަނީ މި ބިލުގެ މަސައްކަތް ކުރިޔަށް ގެންދިޔަނުދިނުމަށްޓަކައި އިއްޔެ ހަވީރު އޮތް ޖަލްސާގައި ތަޅުމުގައި އަޑުގަދަކޮށް މަސައްކަތަށް ހުރަސް އެޅުމަށް ވެސް މަސައްކަތް ކޮށްފައެވެ.އަދި މި މައްސަލައިގައި އިއްޔެ މެންދުރުފަހު އެމްޑީޕީން ވަނީ މަޖިލިސް އިދާރާ ސަރަހައްދުގައި އިހުތިޖާޖު ވެސް ކޮށްފައެވެ.ރައްޔިތުންގެ މަޖިލީހުގެ ސުޕަ މެޖޯރިޓީ އޮތް ޕީއެންސީގެ މެންބަރުންގެ ފުރިހަމަ ތާއިދާއެކު ގާނޫނުއަސާސީގެ ފަސް މާއްދާއަކަށް އިއްޔެ ބަދަލު ގެނެސްފައިވެ އެވެ.މިކަމާ ގުޅިގެން ވަރަށް ގިނަ ބަޔަކު މިހާރު އަންނަނީ ކަންބޮޑުވުން ފާޅުކުރަމުންނެވެ.