ދިވެހިންގެ ގިނަ ބަޔަކު ސްރީ ލަންކާގައި ދިރިއުޅޭ ދެހިވަލާ އާއި މައުންޓް ލަވީނިއާގައި ބަޑިޖެހުމުގެ ހާދިސާތަކެއް ހިނގައިފި އެވެ.
ވީ ކިހިނެއް؟ - މައުންޓް ލަވީނިއާގެ ވަތަރައްޕަލާގައި ވަނީ ނުރައްކާތެރި ބަޑިޖެހުމުގެ ހާދިސާއެއް މިދިޔަ ހަފްތާގައި ހިނގާފަ އެވެ. މިދިޔަ އާދިއްތަ ދުވަހު ވެސް ވަނީ ބަޑިޖެހުމުގެ ހާދިސާއެއް ހިނގާފަ އެވެ.
އެ ހަމަލާތަކުގައި މީހަކު މަރުވެފައެއް ނުވެ އެވެ. އަދި ބަޑިޖެހި މީހުން ވަނީ އެ ތަނުން ފިލާފަ އެވެ.
ތަފްސީލް - މައުންޓް ލަވީނިއާގެ ފުލުހުން ބުނެފައިވާ ގޮތުގައި، މިއީ ލަންކާގެ ދެ ގޭންގެއްގެ މެދުގައި ހިނގަމުންދާ ހަމަނުޖެހުމުގެ ބައެކެވެ.
ނަމަވެސް، މި ހަމަލާތަކުގައި ޝާމިލްވާ ފަރާތްތައް އަދި ހައްޔަރުކޮށްފައެއް ނުވެ އެވެ.
އެނގުން މުހިންމު - ދެހިވަލާ އާއި މައުންޓް ލަވީނިއާގައި ގިނަ އަދަދެއްގެ ދިވެހިން ދިރިއުޅެ އެވެ. އޭގެ ތެރޭގައި ގިނައީ ދަރިވަރުންނެވެ.