ޑިމޮކްރެޓްސްގެ ރައީސް ކަމަށް އެ ޕާޓީގެ ތަރުޖަމާނަކަށް މިހާތަނަށް ހުންނެވި، ރައްޔިތުންގެ މަޖިލީހުގެ މާފަންނު އުތުރު ދާއިރާގެ ކުރީގެ މެންބަރު އިމްތިޔާޒު ފަހުމީ ކުރިމަތިލައްވައިފި އެވެ.މިކަން ހާމަކޮށް އޭނާ އެކްސްގައި ކުރި ޕޯސްޓެއްގައި ވަނީ މި މަގާމަށް ކުރިމަތިލުމަށްފަހު އެ ޕާޓީގެ ތަރުޖަމާނުކަމުން އިސްތިއުފާ ދީފައި ވާކަމަށެވެ. އޭނާ ވަނީ އެންމެހާ ޑިމޮކްރެޓުން އޭނާއަށް ސަޕޯޓުކޮށްދިނުމަށް އެދިފައެވެޑިމޮކްރެޓްސްގެ އަސާސީ ގަވާއިދު ބުނާގޮތުން، އެ ޕާޓީގެ ރައީސްގެ މަގާމު ހުސްވެއްޖެ ނަމަ، ވަގުތީގޮތުން ރައީސްގެ މަސްއޫލިއްޔަތުތައް އަދާކުރަން ޖެހޭނީ ނައިބު ރައީސުންގެ ތެރެއިން ބޭފުޅެކެވެ.އެހެންވެ، ނައިބު ރައީސުންގެ ތެރެއިން ވަގުތީ ގޮތުން ރައީސްގެ ޒިންމާތައް މިވަގުތު އަދާ ކުރައްވަނީ މަޑަވެލި ދާއިރާގެ ކުރީގެ މެމްބަރު ހުސެއިން ފިރުޝާނެވެ.ޑިމޮކްރެޓްސްގެ ރައީސާއި ފިރިހެން ނައިބު ރައީސްގެ މަގާމު ހުސްވެފައިވާތީ އަންނަ މަހު 15ގައި އިންތިޚާބު ބޭއްވުމަށް އެ ޕާޓީގެ ނޭޝަނަލް އެސެންބްލީއިން ވަނީ ނިންމާފައެވެ.