ކަރަންޓު ބިލުތަކެއް ނުދެއްކި މައްސަލައިގައި ށ. ބިލެއްފަހީ ކައުންސިލްގެ ރައީސް އަބްދުﷲ ޒިޔާދު ސަސްޕެންޑް ކުރަން ލޯކަލް ގަވަރމެންޓް އޮތޯރިޓީން (އެލްޖީއޭ) ނިންމައިފިއެވެ.
އެލްޖީއޭ އިން ޒިޔާދަށް ފޮނުވި ސިޓީގައި ބުނެފައިވަނީ ބިލެތްފަހީ ކައުންސިލުގެ އިދާރާ އާއި އެ ކައުންސިލުގެ ބެލުމުގެ ދަށުގައިވާ މިސްކިތްތަކާއި މަގު ބައްތިތަކުގެ ކަރަންޓު ބިލުތައް ގިނަދުވަސްތަކެއް ވަންދެން ދައްކާފައި ނުވާތީ، އެ ތަންތަނުން ކަރަންޓުގެ ހިދުމަތް މިއަދުގެ ވަގުތެއްގައި ކަނޑާލުމަށް ފެނަކަ އިން ބިލެތްފަހީ ކައުންސިލަށް ނޯޓިސް ދީފައިވާ ކަމުގެ މައުލޫމާތު ލިބިފައިވާ ކަމަށެވެ.
މިކަމާ ގުޅިގެން އެ އޮތޯރިޓީން މި މައްސަލަ ބަލައި ވަކިގޮތެއް ކަނޑައަޅަންދެން ޒިޔާދު މަގާމުގެ މަސްއޫލިއްޔަތުތަކުން ދުރުކުރުމަށް މި މަހުގެ 28 ވަނަ ދުވަހު ބޭއްވި އެ އޮތޯރިޓީގެ ބޯޑު ބައްދަލުވުމުގައި ނިންމާފައިވާ ކަމަށް އެލްޖީއޭގެ ސިޓީގައި ބުނެފައިވެއެވެ.