ސަރުކާރުން 2018 ވަނަ އަހަރަށް ހުށައަޅާފައިވާ ބަޖެޓަކީ ބޭއިންސާފު އަދި ހަމަހަމަކަމެއް ނެތް ބަޖެޓެެއްކަމުގައި ޖުމުހޫރީޕާޓީގެ މަތިވެރި ދާއިރާގެ މެމްބަރު ހުސައިން މުހައްމަދު ވިދާޅުވެއްޖެ އެވެ.
އިދިކޮޅު ފާރަތްތަކުން ކުނޫޒުގައި ކުރިޔަށް ގެންދާ ބަޖެޓާއި ގުޅޭ ޕެނަލް ޑިސްކަޝަންގައި ހުސައިން މުހައްމަދު ވިދާޅުވީ، މަޝްރޫއުތައް ހިންގުމުގައި އެއްވެސް އުސޫެލެއް ހަމައެއް ގެންގުޅޭ ކަމުގެ ވިސްނުމެއް ބަޖެޓުން ފެންނަން ނެތްކަމުގަ އެވެ.
ހުސައިން މުހައްމަދު ވިދާޅުވީ، ފާއިތުވި ހަތަރު އަހަރުގެ ތެރޭގައި 1800 ވުރެ ގިނަ މަޝްރޫއު، އެވްރެޖުކޮށް ކޮންމެ ރަށަކަށް ނުވަ މަޝްރޫއު ހިންގިފައިވާ ކަމަށް ރައީސް ޔާމީން ވިދާޅުވެފައި ވާއިރު ބައެއް ރަށްރަށުގައި މަޝްރޫއެއް ހިންގާފައި ނުވާތީ ރައްޔިތުން ސުވާލު ކުރާ ކަމުގަ އެވެ. އަދި ނިމުނު މަޝްރޫއުތަަކަށް ހިމަނާފައިވާ ފައިސާއަށް ބަލާއިރު ރައީސް ވިދާޅުވާ ވާހަކަފުޅު ދިމާ ނުވާކަންވެސް ހުސައިން މުހައްމަދު ފާހަގަކުރެއްވި އެވެ.
ހުސައިން މުހައްމަދު ވިދާޅުވީ، ބަޖެޓުގައި މަޝްރޫއުތައް ހިމެނުމުގައި އަސާސީ ކަންކަމަށް އިސްކަންދޭތަން ނުފެންނަ ކަމުގަ އެވެ.