މެލޭޝިއާގައި ހުންނަ ރާއްޖޭގެ ހައިކޮމިޝަންގެ އެކްޝަން ޕްލޭން ކުރީގެ ރައީސް މައުމޫން އަބްދުލް ގައްޔޫމް އިފްތިތާޙްކޮށްދެއްވައިފި އެވެ.
މި އެކްޝަން ޕްލޭނަކީ މިއަދުން ފެށިގެން އެއް އަހަރު ދުވަހުގެ މުއްދަތަށް ހިންގާ އެކްޝަން ޕްލޭނެކެވެ.
ރައީސް މައުމޫން މެލޭޝިއާގެ ހައިކޮމިޝަނަށް ކުރެއްވި ޒިޔާރަތުގައި މެހްމާނުން ސޮއިކުރައްވާފައިވާ ފޮތުގައި ސޮއި ވެސް ކުރެއްވިއެވެ.
މީގެއިތުރުން މެލޭޝިއާގެ ސަފީރު މުހައްމަދު ފަޔާޒް އާއި ބައްދަލު ކުރައްވާ ހައިކޮމިޝަންގެ މަސައްކަތްތައް ބައްލަވާލައްވާ ރާއްޖޭގެ ޚާރިޖީ ސިޔާސަތުގެ މަޤްޞަދުތައް ޙާޞިލް ކުރަން ދިވެހި ހައިކޮމިޝަނުން ކުރައްވާ މަސައްކަތްތަކަށް ތައުރީފު ކުރެއްވި އެވެ.