މާދަމާ އޮންނަ ރިޔާސީ އިންތިހާބުގައި ކުރިމަތިލާފައިވާ ކެނޑިޑޭޓުން އެ ކެނޑިޑޭޓުންގެ ކެމްޕޭނު ހަރަކާތްތައް ނިންމުން މިއަދު ހަވީރު ކުރިއަށްގެންދާނެއެވެ.
އެގޮތުން ޕީއެންސީގެ ކެނޑިޑޭޓް ޑރ. މުހައްމަދު މުއިއްޒުގެ ކެމްޕޭނު ނިންމުގެ ހަރަކާތް ފަށަން ނިންމާފައި ވަނީ އާޓިފިޝަލް ބީޗް ސަރަހައްދުންނެވެ. މެންދުރުފަހު 3:45 އަށް ސަޕޯޓަރުން ދިއުމަށް ޕީޕީއެމް ޕީއެންސީ ކޯލީޝަނުން އެދިފައިވެއެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ކެމްޕޭނު ނިންމުމުގެ ހަރަކާތް ފަށަން ނިންމާފައިވަނީ ހެންވޭރު ދަނޑު ކައިރިން މަޖީދީ މަގުންނެވެ. އެ ހަރަކާތް ފެށުމަށް ނިންމާފައިވަނީ ހަވީރު 04:00 ގައެވެ.
ދަ ޑިމޮކްރެޓްސްގެ ކެނޑިޑޭޓް އިލްޔާސް ލަބީބްގެ ކެމްޕޭނު ނިންމުމުގެ ހަރަކާތް ރައީސް ނަޝީދާއެކު 4:30 ގައި ރަސްފަންނު ސަރަހައްދުން ފަށަން ނިންމާފައިވާއިރު އަމިއްލަ ގޮތުން ކުރިމަތިލައްވާ ކެނޑިޑޭޓް ފާރިސް މައުމޫންގެ ކެމްޕޭން ނިންމާ ހަރަކާތް ފަށަން 04:00ގައި ސީ ހައުސް ކުރިމަތިންނެވެ.
މޯލްޑިވްސް ނެޝަނަލް ޕާޓީގެ ކެނޑިޑޭޓް މުހައްމަދު ނާޒިމްގެ ކެމްޕޭނު ނިންމާ ހަރަކާތް ބާއްވަން ނިންމާފައިވަނީ ހުޅުމާލޭގައެވެ. އެގޮތުން ހުޅުމާލޭ ސެންޓްރަލް ޕާކުގައި ހަވީރު 04:00ގައި ހާއްސަ ރެލީއެއް ކުރިއަށްގެންދިއުމަށް ވަނީ ނިންމާފައެވެ.
އަމިއްލަ ގޮތުން ވާދަކުރާ ދެ ކެނޑިޑޭޓުން ކަމުގައިވާ އުމަރު ނަސީރާއި ހަސަން ޒަމީލްގެ ކެމްޕޭނު ނިންމުގެ ހަރަކާތުގެ މައުލޫމާތެއް އަދި ހިއްސާކޮށްފައެއް ނުވެއެވެ.
Your email address will not be published. Required fields are marked *
ހިޔާލު * document.getElementById("comment").setAttribute( "id", "a55ac178f90c7dc665bbd35e22a7fd58" );document.getElementById("bb7c1a6aaf").setAttribute( "id", "comment" );
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
Email: [email protected] | Phone: +960 9770541Address: M. Golden Bones, 3rd Floor, Male’ Maldives© Copyright 2020, Dhuvas.mv, All Rights Reserved