ކުޑަ ކުއްޖަކާއި ބެހިގެން ހައްޔަރު ކޮށްފައިވާ ގއ. ކަނޑުހުޅުދޫ މީހަކު ރައީސް މުއިއްޒު ދޫކޮށްލައިފިއެވެ. އޭނާ ހައްޔަރުގައި ބަހައްޓާފައިވަނީ މައްސަލަ ބެލުމަށްޓަކައި ފުލުހުން އެދިގެން ކޯޓު އަމުރެއްގެ ދަށުންނެވެ. ކުޑަ ކުއްޖަކާއި ބެހިގެން ހައްޔަރު ކުރި ވަހީދު އިބްރާހިމް، ދޫކޮށްފައި ވަނީ 24 ޖެނުއަރީ 2025 ގައެވެ.
30 ދުވަހުގެ މުއްދަތަށް ކޯޓު އަމުރެއްގެ ދަށުން އޭނާ ހައްޔަރުގައި ބަހައްޓާފައިވަނީ ހެކިބަސް ދޭން ހުރި މީހުންނަށް ނުފޫޒު ފޯރުވާފާނެތީ އާއި، މުޖްތަމައުގައި ހިމެނޭ ކުޑަކުދިންނަށް ހުރި ނުރައްކަލެއް ކަމަށް ގަބޫލު ކުރެވޭތީއެވެ. ކަސްޓޯޑިއަލް ޖަލެއްގައި އޭނާ ބަންދު ކޮށްފައިވަނީ 11 ޖަނަވަރީ 2025 ގައެވެ. ނަމަވެސް ބަންދުގެ މުއްދަތު ހަމަ ނުވަނީސް ރައީސް މުއިއްޒު ނުފޫޒު ބޭނުންކޮށްގެން އޭނާ ވަނީ މިނިވަން ކޮށްފައި ކަމަށް މައުލޫމާތު ލިބެއެވެ. އަދި ފުލުހުން ވަނީ އެމީހުންނަށް މިކަމުގައި ކުރެވޭނެ ކަމެއް ނެތް ކަމަށް ބުނެފައި ކަމުގައި ހަސަން ކުރުސީ ވަނީ ޓްވިޓަރގައި ރިޕޯޓް ކޮށްފައެވެ.
އޭނާ ބެހުނު ކުޑަ ކުއްޖާ ދިރިއުޅެނީ އޭނާ ދިރިއުޅޭ ގޭގައި ކަމުން، މި ކުއްޖާއަށާއި، މި ކަމުގައި ހެކީންގެ ގޮތުގައި ތިބި ފަރާތްތަކަށް މުއިއްޒު މީނާ ދޫކޮށްލުމުގެ ސަބަބުން ވަނީ އެމީހުންގެ ދިރިއުޅުން ނުރައްކަލަކަށް ވެއްޓިފައެވެ.
މީގެ އިތުރުން މީނާ ވަނީ އޭނާގެ އަވައްޓެރި އެއްގެ ދަރިއަކާއި، (ގްރޭޑް 2 ގެ އުޅޭ ތުއްތު ތުއްތު ކުއްޖަކާއި) ވެސް ބެހިފައެވެ.
މުއިއްޒު މީނާ ދޫކޮށްފައިވަނީ ވިލިނގިލީ ދާއިރާގެ މެމްބަރު ޢާޒިމް ޢަބްދުލްއަޒީޒްގެ އެދުމުގެ މަތިންނެވެ.
ރައީސް މުއިއްޒުގެ ސަރުކާރުން ވަނީ ކުޑަކުދިންނާއި ބެހޭ މީހުން މުޖުތަމައު އަށް ދޫކޮށް ކުޑަކުދިން ނުރައްކަލުގެ ތެރެއަށް ވެއްދުމުގެ ރިކޯޑެއް ހައްދަވާފައެވެ. ރާއްޖޭގެ ތާރީޚުގައި ސިޔާސީ ބޭނުމަށް މިފަދަ ހުތުރު އަމަލުތައް މިދަރަޖައަށް ހިންގި އެއްވެސް ވެރިއަކު ނުވެއެވެ. ކުޑަކުދިން ސިޔާސީ ހަރާކާތްތަކުގައި ބައިވެރި ކުރުމަކީ ޤާނޫނީ ގޮތުން މަނާ ކަމަކަށް ވިއަސް، މުއިއްޒު ރަށްރަށަށް ކުރާ ދަތުރުތަކަށް މަރުހަބާ ކިޔުމަށް ކުޑަކުދިން، ސްކޫލް ކުދިން މުއިއްޒު ދަނީ ނެރެ އަވީގައި ބަހައްޓަމުންނެވެ.