ގދ ތިނަދޫ އިންޖީނު ގޭގައި ރޯވެ އަނދާ ހުލިވެ މައްސަލަގެ އެއްވެސް މައުލޫމާތެއް ރައްޔިތުންނާއި، ހިއްސާކޮށްފައިނުވާތީ ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު ކަންބޮޑުވުން ފާޅުކުރައްވައިފިއެވެ.
ގދ. ތިނަދޫ އިންޖީނު ގޭގައި ރޯކޮއްލި ހާދިސާގައި މިއަދަށް 2 އަހަރު ފުރުމާއި ގުޅިގެން އަބްދުﷲ އަހުމަދު ކުރެއްވި ޓުވީޓެއްގައި ވިދާޅުވީ މިމައްސަލަގައި ފުލުހުން ޚާއްސަ އިސްކަމެއްދީގެން މައްސަލަ ތަހުގީގު ކުރިކަމަށެވެ.
އަދި މިއަދާ ހަމައަށް ވެސް މިކަމާ ބެހޭ އެއްވެސް މައުލޫމާތެއް ރައްޔިތުންނަށް ހާމަނުކުރާ ކަމަށް އަބްދުﷲ އަހުމަދު ވިދާޅުވިއެވެ.
އަބްދުﷲ އަހުމަދު ވިދާޅުވީ މިއީ ރައްޔިތުންނާއި ގުޅިފައިވާ މައްސަލައަަކަށްވާތީ މިކަމުގެ ހުރިހާ މައުލޫމާތެއް ރައްޔިތުންނަށް ހާމަކޮށްދޭންޖެހޭ ކަމަށެވެ.
ފުލުހުންގެ ރަސްމީ ޓްވިޓާ އެކައުންޓް ޓެގްކޮށް މިމައްސަލަގެ ފުރިހަމަ މައުލޫމާތު ހާމަކޮށްދިނުމަށް އަބްދުﷲ މުހައްމަދު ވަނީ ގޮވާލައްވާފައެވެ.