އދ. މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމަނަން ހެރިޓޭޖު މިނިސްޓްރީން ނިންމައިފި އެވެ.ދިވެހި ޤައުމިއްޔަތު އައާދަކުރުމުގެ މަސައްކަތަކީ ރައީސް ޑރ.މުހައްމަދު މުއިއްޒު އެންމެ އިސްކަން ދެއްވައިގެން ފަށްޓަވާފައިވާ އެއް މަޝްރޫއެވެ. އެގޮތުން ތާރިހީ ބިނާތައް ހިމާޔަތްކޮށް، ގައުމިއްޔަތު އާލާކުރުމުގައި ވަރަށް ގިނަ މަސައްކަތްތަކެއް ސަރުކާރުން ދަނީ ކުރަމުންނެވެ.ރާއްޖޭގެ ރަށްތަކުގައި ހުރި ދުވަސްވީ ތަރިކަ ރައްކާތެރިކޮށް އާސާރީ ބިނާތައް އަންނަ އޮތް ޖީލުތަކަށް ފެންނާނެގޮތަށް ރައްކާތެރިކޮށް ދެމެހެއްޓުމުގެ މަސައްކަތްކައްތާއި އެތަންތަނުގެ ހާލަތު ދެނެގަތުމަށް ދިވެހިބަހާއި ސަގާފަތާއި ތަރިކައާބެހޭ ވުޒާރާއިން ދަނީ އެރަށްރަށް ޒިޔާރަތްކުރަމުންނެވެ. ކަނދިލި މިސްކިތަކީ ގާތްގަނޑަކަށް 600 ނުވަތަ 700 އަހަރު ވެފައިވާ މިސްކިތެކެވެ.