ދުންފުހުގެ އަސަރު ބޮޑުވެ މިއަދު ދުރު ފެންނަ މިންވަރު 2 ކިލޯމީޓަރަށް ދަށްވެފައިވާ ކަމަށް މޫސުމާ ބެހޭ ގައުމީ އިދާރާ އިން ބުނެފި އެވެ.
ވީ ކިހިނެއް؟ - އެ އިދާރާ އިން ބުނީ ރާއްޖޭގެ ހުރިހާ ސަރަހައްދަކަށް ވެސް ނުރައްކާތެރި މިންވަރަކަށް މިއަދު ވައި ނުސާފު ކަމަށެވެ.
ތަފްސީލް - ފާއިތުވި 7 ދުވަހުގެ ތެރޭގައި ވެސް އެންމެ ބޮޑަށް ވައި ނުސާފުވީ މިއަދު ކަމަށް މެޓުން ބުންޏެވެ.
މެޓުން ބުނީ:
އިރުއުތުރުން އަންނަ ވަޔާ އެކު ކުރިއަށް އޮތް 2 ދުވަހު ވެސް ރާއްޖެ މަތީ ދުންފުހުގެ އަސަރު ހުންނާނެ
ބޭރުގައި އެކި ހަރަކާތްތަކުގައި އުޅޭ މީހުންނާއި ކަނޑުދަތުރުކުރާ މީހުން އެކަމަށް ހާއްސަ ސަމާލުކަމެއް ދޭން އިލްތިމާސްކުރަން
އެނގުން މުުހިއްމު - ވިލިމާލޭގައި ހުންނަ ސެންޓަ ފޯ މެރިޓައިމް ސްޑަޓީޒްގައި ގާއިމްކޮށްފައިވާ އެއާ ކޮލެޓީ މޮނީޓާ ސިސްޓަމުން ދައްކާ ގޮތުން، މި ސަރަހައްދުގައި ވައިގެ ކޮލެޓީ މިއަދު ހުރީ 158ގަ އެވެ. މިއީ ސިއްހަތަށް ނުރައްކާވާ މިންވަރަށް ވައި ނުސާފުވާ ހާލަތެކެވެ. އެގޮތުން:
އޭކިޔުއައި 151-200އާ ދެމެދު ހުރެއްޖެ ނަމަ އެއީ ސިއްހަތަށް ނުރައްކާވާ މިންވަރެއް
މި ހާލަތުގައި ސިއްހީ ގޮތުން ނޭދެވޭ އަސަރުކޮށް، ފުއްޕާމެ އާއި ހިތުގެ ބަލިތައް ބޮޑުވުމުގެ ނުރައްކާ އެންމެންނަށް ވެސް އޮވޭ
އައިކިޔުއެއާ ވެބްސައިޓުގައި ހުރި މައުލޫމާތަށް ބަލާއިރު:
ޕީއެމް 2.5 މިހާރު ހުރީ ކޮންމެ ކިއުބިކް މީޓަރެއްގައި 66 މައިކްރޯ ގްރާމްގައި