ހައުސިން ޑިވެލޮޕްމެންޓު ފައިނޭންސް ކޯޕަރޭޝަން
(އެޗްޑީއެފްސީ)ން ކުރިއަށް އޮތް ރޯދަ މަހަށް ހާއްސަކޮށްގެން 'ރޯދައަށް ރީތި'ގެ ނަމުގައި ޕްރޮމޯޝަނެއް ފަށައިފި އެވެ.
ހާއްސަ ހަދިޔާތައް ލިބޭ މި ޕްރޮމޯޝަނަކީ ރޯދައަށް
ތައްޔާރުވުމަށް ގޭތެރެ ޒީނަތްތެރިކޮށް އާބާތުރަ ފިލުވުމަށް ބޭނުންވާ ސާމާނު
ހޯދުމަށް 'އެޗްޑީއެފްސީ ލައިޓް ފައިނޭންސިން' ހިޔާރުކުރާ ކަސްޓަމަރުންނަށް ހާއްސަ
ޕްރޮމޯޝަނެކެވެ.
'އެޗްޑީއެފްސީ ލައިޓް ފައިނޭންސިން'އަކީ ހޯމް
ރިނޮވޭޝަން ޕްރޮޖެކްޓުތަކަށް ހާއްސަކޮށް އެ ކުންފުނިން ތައާރަފުކޮށްފައިވާ
ފްލެކްސިބަލް ފައިނޭންސިންއެކެވެ. އެގޮތުން:
ފަރުނީޗަރު ގަތުމުން ފެށިގެން ގޮސް ކުދި ރެނޮވޭޝަންތައް ކުރުމަށް
ފައިނޭންސިން ހޯދޭނެ
މި ފައިނޭންސިންއަށް އެދޭ ކަސްޓަމަރުންނަށް އޮޓަމެޓިކުން ޕްރޮމޯޝަނުގައި ބައިވެރިވެވޭނެ
ނަސީބުވެރި ތިން ކަސްޓަމަރުން ހޮވާނެ
މި ޕްރޮމޯޝަނުގެ ނަސީބުވެރިންނަށް
ކަނޑައަޅާފައިވަނީ:
1 ވަނައަށް
ދެ މީހަކަށް 2 ރޭ ރިސޯޓެއްގައި ހޭދަކުރުން (އޯލް-އިންކްލޫސިވް)
2 ވަަނައަށް މެލޭޝިއާ ދެކޮޅު ޓިކެޓު ދެ މީހަކަށް
3 ވަނައަށް 5،000ރ.ގެ ފައިސާގެ އިނާމު
އެޗްޑީއެފްސީ ލައިޓް ފައިނޭންސިންއަށް މޯގޭޖެއް
ބޭނުމެއް ނުވާނެ އެވެ. މި ފައިނޭންސިންގެ ދަށުން 50،000ރ. އިން ފެށިގެން 500،000ރ.އާ ދެމެދުގެ އަދަދަކަށް ފައިސާ ލިބޭނެ އެވެ. އެގޮތުން، %15 އިންޓްރެސްޓުގައި މި ފައިނޭންސިންއަށް ފައިސާ އަނބުރާ ދައްކަން 5 އަހަރު ލިބޭނެ އެވެ.
އެޗްޑީއެފްސީ ލައިޓް ފައިނޭންސިން ލިބޭނީ
އެ މީހެއްގެ ބޭންކު އެކައުންޓަށް ފާއިތުވި 12 މަސް ތެރޭ މުސާރަ ޖަމާވެފައިވާ ނަމަ
އެވެ. އެގޮތުން:
އެޗްޑީއެފްސީގެ އޮންލައުން ޕޯޓަލް މެދުވެރިކޮށް
ފައިނޭންސިން އަށް އެދި ހުށަހެޅޭނެ
 މި ޕްރޮމޯޝަން މާޗު މަހުގެ ނިޔަލަށް ކުރިއަށްދާނެ
ރޯދައަށް ރީތި ޕްރޮމޯޝަނާއި އެޗްޑީއެފްސީގެ އެހެން
ޕްރޮޑަކްޓުތަކުގެ މައުލޫމާތު އެ ކުންފުނީގެ ވެބްސައިޓުން ލިބޭނެ އެވެ.