މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ވެސް ލޭ ހަދިޔާ ކުރުމުގެ ކޭމްޕެއް ކުރިއަށް ގެންދަން ނިންމައިފި އެވެ.އެމްއޭސީއެލުން ބުނީ އެ ކޭމްޕަކީ މޯލްޑިވްސް ބްލަޑް ސާވިސް (އެމްބީއެސް)އަށް ލޭ ހަދިޔާކުރުމަށް ކުރިއަށް ގެންދާ ޕްރޮގްރާމެއް ކަމަށެވެ.އެ ޕްރޮގްރާމް ކުރިއަށް ގެންދަން ނިންމާފައި ވަނީ އަންނަ ހޮނިހިރު ދުވަހާއި އާދިއްތަ ދުވަހެވެ.  މި ފަހުން ލޭ ލިބުމުވެ ދަތިކަން ބޮޑުވެ، އެކަމުގެ ކަންބޮޑުވުން އެމްބީއެސް އިން ފާޅުކޮށްފައިވެ އެވެ. މިކަމާ ގުޅިގެން މި ހަފުތާ ތެރޭގައި އެޗްޑީސީން ވެސް ވަނީ ލޭ ހަދިޔާ ކުރުމުގެ ކޭމްޕެއް އެމްބީއެސްއާ ގުޅިގެން ކުރިއަށް ގެންގޮސްފަ އެވެ.