ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ފިޔަވަޅު އެޅުއްވުމަކީ މީގެކުރިން އެއްވެސް ރައީސަކަށް ކެރިވަޑައިގެންނެވި ކަންކަމެއް ނޫން ކަމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވަޒީރު ޝިޔާމް ވިދާޅުވީ، ވެރިކަމުގައި ހުންނަވަނިކޮށް ސަރުކާރު ތެރެއިން ހިނގާކަމަށް ތުހުމަތުކުރާ ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ފިޔަވަޅު އެޅުއްވުމަކީ މީގެކުރިން އެއްވެސް ރައީސަކު ވެރިކަމުގައި ހުންނަވައިގެން ކުރައްވަން ކެރިވަޑައިގެންނެވި ކަންކަމެއް ނޫން ކަމަށެވެ.އިތުރަށް ވަޒީރު ޝިޔާމް ފާހަގަކުރެއްވި ގޮތުގައި، ވެރިކަމުގެ ފުރަތަމަ ދުވަހުން ފެށިގެންވެސް ރައީސް ޑރ. މުޙައްމަދު މުއިއްޒު ގެންދަވަނީ ކޮރަޕްޝަނާއި ވައްކަމާ ދެކޮޅަށް ތަފާތު ފިޔަވަޅުތައް އަޅުއްވަމުންނެވެ. އަދި ރައީސް މުއިއްޒުގެ ވާހަކަފުޅާއި އަމަލުފުޅު ދިމާވާނެ ކަމަށާއި، ދިވެހި ރައްޔިތުންގެ މުދަލާއި ފައިސާއަށް ޚިޔާނާތްތެރިވާކަށް އެއްވެސް ފަރާތަކަށް އެމަނިކުފާނު ކުޑަވެސް ޖާގައެއް ނުދެއްވާނެކަން މިއަދުވެސް ސާބިތުކޮށްދެއްވައިފައިވާ ކަމަށް ވަޒީރު ޝިޔާމް ވިދާޅުވިއެވެ.ވަޒީރު ޝިޔާމް ގެ މި ބަޔާނުން އެނގިގެންދަނީ، ރައީސް މުއިއްޒުގެ ވެރިކަމުގައި ކޮރަޕްޝަނާއި ވައްކަމާ ދެކޮޅަށް ހަރުދަނާ ފިޔަވަޅުތަކެއް އެޅެމުންދާ ކަމާއި، މިކަމަކީ ކުރީގެ ރައީސުންނާ ތަފާތު ގޮތަކަށް ކުރިއަށްގެންދާ ކަމެއްކަން ވަޒީރު ޝިޔާމް ފާހަގަކުރައްވާފައިވާކަމެވެ.