ގުޅިފައިވާ ޕާޓީތަކުގެ ރިޔާސީ ކެންޑިޑޭޓާއި ރަނިންމޭޓަށް ތާއީދު ހޯއްދެވުމަށް ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ އަނބިކަނބަލުން އާއިޝަތު ނަހުލާ އދ.އަތޮޅަށް ކުރައްވާ ދަތުރުފުޅުގައި ރައްޔިތުންގެ ފަރާތުން ވަރަށް ބޮޑު ތަރުހީބެއް ލިބެމުންދާ ކަމަށް ޖުމްހޫރީ ޕާޓީން ބުނެފިއެވެ.
ޖުމްހޫރީ ޕާޓީގެ އިސް ބައެއް ބޭފުޅުންނާއެކު އެކަމަނާ މިއަދު ހެނދުނު ފުރާވަޑައިގަތީ މިދަތުރުފުޅަށް ޚާއްސަކޮށްގެން ތައްޔާރުކޮށްފައިވާ ލޯންޗެއްގައެވެ. ޖުމްހޫރީ ވިންދުގެ ނަމުން ނަންދީފައިވާ މި ލޯންޗު ވަނީ ގުޅިފައިވާ ޕާޓީތަކުގެ ދިދަތަކުން ޒީނަތްތެރިކުރެވިފައެވެ.