ހުޅުމާލެ ފޭސް 2 ގެ އިމާރާތަކުން 16 އަހަރުގެ ކުއްޖަކު ވެއްޓި އައިޖީއެމްއެޗްގައި ފަރުވާދޭން ފަށައިފިއެވެ.
ފުލުހުން ހާމަކޮށްފައިވާގޮތުގައި، މި ހާދިސާގައި ވެއްޓިފައިވަނީ 16 އަހަރުގެ ފިރިހެން ކުއްޖެކެވެ. އެގޮތުން، އެ ކުއްޖާ ވެއްޓުނީ ފޭސް 2
ގައި ހުންނަ އަމާން ދޯދި 5 ގެ ދެވަނަ ފަންގިފިލާއިން ކަމަށް ފުލުހުން މަޢުލޫމާތު ދީފައިވެއެވެ.
މީގެއިތުރުން، މި ހާދިސާ ހިނގާފައިވާކަމަށް ރިޕޯޓުކޮށްފައިވަނީ ރޭ ދަންވަރު 23:14 ހާއިރުކަމަށާއި އެ ކުއްޖާއަށް މިހާރު އައިޖީއެމް ހޮސްޕިޓަލުގައި ފަރުވާދެމުންދާ ކަމަށް ފުލުހުން ބުންޏެވެ. ނަމަވެސް، އެ ކުއްޖާގެ ހާލަތާގުޅޭ އިތުރު ތަފުސީލެއް އަދި ހާމަކޮށްފައިނުވެއެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.