"ބިދޭސީންގެ މައްސަލައަށް ދާއިމީ ހައްލެއް ހޯދުމަށް ތިން އަހަރުގެ ޕްލޭންއެއްގެ ދަށުން ކުރެވެމުންދާ މި މަސައްކަތް ﷲ ގެ އިރާދަފުޅާއެކު ކާމިޔާބު ކަމާއެކީ ނިންމާލެވޭނީ 2027 ވަނަ އަހަރުގެ އޭޕްރީލް މަހުގައި،"
ރާއްޖޭގައި އުޅޭ ބިދޭސީންގެ ބައޯމެޓްރިކް ޑާޓާ އެއްކުރުމަށް ހައުސިން މިނިސްޓްރީން ފަށާފައިވާ އޮޕަރޭޝަން "ކުރަނގި"ގެ ދަށުން 25،000 އަށްވުރެ ގިނަ ބިދޭސީންގެ މައުލޫމާތު މިހާތަނަށް އެއްކޮށްފި އެވެ. 
ހޯމްލޭންޑް ސެކިއުރިޓީ މިނިސްޓްރީން ހިންގާ މި އޮޕަރޭޝަނުގައި ރާއްޖޭގެ ހުރިހާ ރަށެއްގައި ދިރިއުޅޭ ބިދޭސީންގެ ފޮޓޯއާއި 10 އިނގިލީގެ ނިޝާން ފަދަ މައުލޫމާތުތައް ނަގައި، ގަވާއިދާ ހިލާފަށް އުޅޭ ބިދޭސީން ދެނެގަނެ ގަވާއިދަށް ފެއްތުމުގެ މަސައްކަަތް ދަނީ ކުރަމުންނެވެ.ހޯމްލޭންޑް މިނިސްޓަރު އަލީ އިހުސާން ރޭ އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ އިއްޔެ މާލޭ ސަރަހައްދުގެ ޕްރައިވެޓް ސެކްޓަރާއި އާންމު ތަންތަނަށް ހާއްސަކޮށް މި އޮޕަރޭޝަން ފުޅާކޮށްފައިވާ ކަމަށެވެ. އެގޮތުން އިއްޔެ ކުރެވުނު މަސައްކަތުން އެކަނި 1455 ބިދޭސީންގެ ބައޯމެޓްރިކް ޑާޓާ ނަގާފައިވާ ކަމަށް މިނިސްޓަރު ވިދާޅުވި އެވެ.
މިނިސްޓަރު ވިދާޅުވެފައި ވަނީ މި ރައީސް ޑރ. މުހައްމަދު މުއިއްޒުގެ ސަރުކާރަށް އެއް އަހަރު ފުރުނިއިރު މި އޮޕަރޭޝަނުގައި 10،000 ބިދޭސީންގެ މައުލޫމާތު އެއްކޮށްފައިވާނެ ކަމަށެވެ. އަދި ފާއިތުވި ދެ މަސް ދުވަސްތެރޭ އިތުރު 15،000 ބިދޭސީންގެ މައުލޫމާތު ނަގާފައިވާނެ ކަމަށެވެ.މުޅި އޮޕަރޭޝަނުގައި އިއްޔެއާ ހަމައަށް 25،483 ބިދޭސީންގެ ޑާޓާ އެއްކޮށްފައިވެ އެވެ."ރައީސް ޑރ. މުއިއްޒުގެ ވައުދުފުޅާ އެއްގޮތަށް ރާއްޖޭގައި ގަވާއިދާ ހިލާފަށް އުޅެމުންދާ ބިދޭސީންގެ މައްސަލައަށް ދާއިމީ ހައްލެއް ހޯދުމަށް ތިން އަހަރުގެ ޕްލޭންއެއްގެ ދަށުން ކުރެވެމުންދާ މި މަސައްކަތް ﷲ ގެ އިރާދަފުޅާއެކު ކާމިޔާބު ކަމާއެކީ ނިންމާލެވޭނީ 2027 ވަނަ އަހަރުގެ އޭޕްރީލް މަހުގައި،"މިނިސްޓަރު ވަނީ މި މަސައްކަތުގައި އެ މިނިސްޓްރީންގެ ފޮރެން ލޭބާ ޑިޕާޓްމެންޓާއި އިމިގްރޭޝަނާއި ފުލުހުނާއި އަދި ކައުންސިލްތަކުން ކުރަމުންދާ މަސައްކަތަށް ޝުކުރު ދަންނަވާފަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ