ވިލިމާލޭގެ ގުދަނެއްގައި ހިނގި އަލިފާނުގެ ހާދިސާއެއްގައި، އެނދީ ރައީސް އަބްދުﷲ ޔާމީންގެ ސަރުކާރުން ހުޅުވާލި ބޯހިޔާވަހި ކަމުގެ މަޝްރޫއަކުން ފްލެޓަށް އެދިި ހުށަހެޅި ފޯމުތަކެއް ނޫން ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
މިނިސްޓަރު މުއިއްޒު މިހެން ވިދާޅުވީ ވިލިމާލޭގެ ގުދަނެއްގައި މިދިޔަ މަހު ރޯކޮށްލީ، އެތަނުގައި ހުރި ހައުސިން މިނިސްޓްރީއާ ގުޅޭ މުހިއްމު ހެކިތަކެއް ނައްތާލަން ކަމުގެ ތުހުމަތުކޮށް، ސޯޝަލް މީޑިއާގައި ފާޑުކިޔަމުންދާތީ، އެކަމަށް ރައްދުދެއްވައި ކުރެއްވި ޓްވީޓެއްގަ އެވެ.
Photo in fennanee 2005 aharuge Ministry of Housing and Urban Development in hingi scheme egge form thakeh. Mi alifaanuge haadhisaa thahqeeq kurumah @PoliceMv aa vanee havaalukoffai. Misarukaarun hingi scheme ge hurihaa form thakeh vanee rakkaakurevi, scan koh digitise koffai. pic.twitter.com/bgv8wfdyJD
— Dr.Mohamed Muizzu (@MMuizzu) March 28, 2018
އެ ޓްވީޓްގައި މުއިއްޒު ވިދާޅުވީ ސޯޝަލް މީޑިއާގައި އާއްމުކޮށްފައިވާ ފޮޓޯ އިން ފެންނަނީ، 2005 ގައި ހައުސިން މިނިސްޓްރީން ހިންގި ސްކީމެއްގެ ފޯމުތަކެއް ކަމަށާއި، މި އަލިފާނުގެ ހާދިސާ ތަހުޤީޤު ކުރުމަށް ފުލުހުންނަށް ވަނީ ހަވާލުކޮށްފައި ކަމަށެވެ.
އަދި މި ސަރުކާރުން ހިންގި ބޯހިޔާވަހިކަމުގެ ސްކީމްގެ ހުރިހާ ފޯމްތަކެއް ވަނީ ރައްކާކުރެވި، ސްކޭންކޮށް ޑިޖިޓައިޒް ކުރެވިފައި ކަމަށްވެސް މުއިއްޒު ވިދާޅުވި އެވެ.
މިނިސްޓަރު އެ އިޝާރާތް ކުރެއްވީ މި ސަރުކާރުން ހުޅުވާލި ގެދޮރުވެރިކަމުގެ މަޝްރޫއުގެ ދަށުން ފްލެޓަށް އެދި ހުށަހެޅި ފޯމުތަކުގެ ވާހަކަ އެވެ. އެ ސްކީމުން ހުޅުވާލި 704 ފްލެޓަށް، 15،000 އަށް ވުރެ ގިނަ މީހުން ފޯމު ހުށަހެޅި އެވެ.