މާދަމާ ފަށާ ބަރަކާތްތެރި ރަމަޟާން މަހުގެ ތަހުނިޔާ، ކުރީގެ ރައީސް އަދި ޑީއާރުޕީގެ ޒައީމް މައުމޫން އަބްދުލްގައްޔޫމް ފޮނުއްވައިފި އެވެ.
"މި ބަރަކާތްތެރި ރަމަޟާން މަހުގެ ދުވަސްތަކާއި ރޭތަކުގައި މާތްﷲ ރުއްސަވާވޮޑިގެންވާ ހެޔޮ ޢަމަލުތައް ކުރުމުގައި ދެމިތިބުމުގެ ހެޔޮ ތައުފީގު އަޅުގަނޑުމެންނަށް ދެއްވުން އެދި އެކަލާނގެ ޙަޟްރަތުގައި ދުޢާ ދަންނަވަމެވެ. އަދި މި މާތް މައްސަރުގެ ބަރަކާތާއި ރަޙްމަތާއި ހެޔޮދަރުމަ ލެއްވުން އެދިވެސް ދުޢާ ކުރަމެވެ،" ޒައީމްގެ މޭޒުން ނެރެފައިވާ ނޫސް ބަޔާނެއްގައި ވެ އެވެ.