މިއަދުގެ ރައްޔިތުންގެ މަޖިލީހުގެ ޖަލްސާގައި މެންބަރަކު ކުރެއްވި ސުވާލަކަށް ޖަވާބުދެއްވަމުން މިނިސްޓަރު ޝިޔާމް ވިދާޅުވީ، ރައީސް ޑރ. މުޙައްމަދު މުޢިއްޒުގެ ސިޔާސަތަކީ މިފްކޯއަކީ އަމިއްލަ ފައިމައްޗަށް ތެދުވެގެން ހިންގާ ކުންފުންޏަކަށް ހެދުން ކަމަށެވެ.
މީގެ އިތުރުން، މި ސަރުކާރުން އަމިއްލަ ކުންފުނިތަކަށްވެސް ހަމަހަމަ ފުރުސަތުތަކެއް ހޯދައިދީ، މަސްވެރިކަމުގެ ހެޔޮ މާހައުލެއް ގާއިމުކޮށްދީފައިވާ ކަމަށް މިނިސްޓަރު ވިދާޅުވިއެވެ. މި ސިޔާސަތުތަކުގެ ސަބަބުން މަހަށް ލިބޭ އަގު އިތުރުވެ، މަސްވެރިންގެ ޖީބުތަކަށް ލިބޭ އާމްދަނީ ތަނަވަސްވެގެންދާނެ ކަމުގެ ޔަގީންކަން މިނިސްޓަރު ޝިޔާމް ދެއްވިއެވެ.