މޯލްޑިވްސް ބްލަޑް ސާވިސަސް (އެމްބީއެސް) ގައި ލޭ ޓެސްޓުކުރުމަށް ނިއުކްލިއިކް އެސިޑް ޓެސްޓިން (ނެޓް) ގެ ޚިދުމަތް ފަށައިފިއެވެ. މިއީ ރާއްޖޭގައި ލޭ އަޅައިދިނުމުގެ ރައްކާތެރިކަން ކަށަވަރުކުރުމަށްޓަކައި ތަޢާރަފުކުރި އެންމެ ފަހުގެ ޓެކްނޮލޮޖީއެވެ.
ރައްޒާގު ފާހަގަކުރެއްވި ގޮތުގައި، މި ޚިދުމަތް ތަޢާރަފުކުރެވިގެން ދިއުމަކީ ސިއްހީ ދާއިރާ ހަރުދަނާކުރުމަށާއި ރައްޔިތުންނަށް ފޯރުކޮށްދޭ ޚިދުމަތުގެ ފެންވަރު ރަނގަޅުކުރުމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ކަނޑައަޅުއްވާފައިވާ ސިޔާސަތުތަކާއި ވައުދުފުޅުތަކާ އެއްގޮތަށް އެޅުނު މުހިންމު ގައުމީ ފިޔަވަޅެކެވެ.