ފެނަކައިން ދެމުންދިޔަ ޚިދުމަތްތައް ސްޓެލްކޯއާ ހަވާލުކުރުމުގެ މަސައްކަތް މީގެ ކުރިންވެސް ވަނީ ކުރިއަށް ގެންގޮސްފައެވެ. އެގޮތުން، މިދިޔަ އޭޕްރިލް މަހުގެ ތެރޭގައިވެސް ފެނަކައިން ތިން އަތޮޅެއްގައި ދެމުންދިޔަ ޚިދުމަތްތައް ވަނީ ސްޓެލްކޯއާ ހަވާލުކޮށްފައެވެ. މިއީ ކުންފުނިތަކުގެ ހިންގުން ހަރުދަނާކޮށް، ރައްޔިތުންނަށް އެންމެ އެކަށީގެންވާ ޚިދުމަތް ފޯރުކޮށްދިނުމަށް ސަރުކާރުން ގެންގުޅުއްވާ ސިޔާސަތުގެ ދަށުން ކުރިއަށްދާ މަސައްކަތްތަކެކެވެ.