ހުޅުމާލޭގައި މީހުން އާބާދުވިތާ 21 އަހަރު ފާހަގަކުރުމަށް، އެޗްޑީސީ އާއި އުރީދޫ މޯލްޑިވްސް ގުޅިގެން މަސްރޭހެއް ބާއްވަން ނިންމައިފި އެވެ.
ވީ ކިހިނެއް؟ - މި މަސް ރޭހުގައި ބައިވެރިވާން ބޭނުންވާ ޓީމުތަކަށް އޮންލައިންކޮށް ރަޖިސްޓްރީކުރުމުގެ ފުރުސަތު އަންނަ ބުދަ ދުވަހުގެ ނިޔަލަށް ވަނީ ހުޅުވާލާފަ އެވެ.
ތަފްސީލް - މި މަސްރޭހުގައި:
ބާއްވާނީ މި މަހު 15ގައި
ހުޅުމާލޭގެ ފެރީ ޓާމިނަލް ޕާކު ކައިރިން ފަށާ މި ރޭސް ކުރިއަށްދާނީ އެ ދުވަހުގެ ހަވީރު 4 އިން ރޭގަނޑު 10އަށް
މި ރޭހުގައި ބައިވެރިވެގެން:
އެންމެ ގިނަ މަސް ބާނާ ޓީމަކަށް 21،000ރ.ގެ ފައިސާގެ އިނާމު 
އެންމެ ބޮޑު މަސް ބާނާ ފަރާތަކަށް 5،000ރ. ފައިސާގެ އިނާމު
އެންމެ މޮޅު ކެޔޮޅަށް ވެސް 5،000ރ.ގެ ފައިސާގެ އިނާމު
ގުޅުން ހުރި - މި މަހު 12 ވަނަ ދުވަހު ފާހަގަކުރާ ހުޅުމާލޭގެ 21 ވަނަ އަހަރީ ދުވަހާ ގުޅިގެން ކުލަގަދަ ފެސްޓިވަލެއް ބޭއްވުމަށް ވެސް އެޗްޑީސީން ވަނީ ނިންމާފަ އެވެ. އެގޮތުން، ހަފްތާއަކަށް ދިގުދެމިގެންދާ ގޮތަށް ކުރިއަށްގެންދާ މި ފެސްޓިވަލްގެ ހަރަކާތްތައް އެކި ދުވަސްތަކަށް ބަހާލައިގެން ހުޅުމާލެގެ އެކި ސަރަހައްދުތަކުގައި އޮންނާނެ ކަމަށް އެ ކުންފުނިން ބުންޏެވެ.