ރާއްޖޭން ޑްރަގުގެ މައްސަލަތައް ހުއްޓުވުމަކީ އުނަދަގޫ މަސައްކަތެއް ކަަމަށާއި އެކަމަށް ވަގުތު ނަގާނެ ކަމަށް ހޯމް މިނިސްޓަރު އުމަރު ނަސީރު މިއަދު ވިދާޅުވެއްޖެ އެވެ.
އުމަރު އެގޮތަށް އިޝާރާތް ކުރެއްވީ ކުރީގެ ރައީސް މުހައްމަދު ނަޝީދު ވެރިކަމުގައި ހުންނެވި ދުވަސްވަރު ދެއްކެވި ވާހަކައަކައަކާ ގުޅުވައިގެންނެވެ.
ރާއްޖޭން މަސްތުވާތަކެތި ހުއްޓުވަން އުމަރު ނީ ކުއްތާތަކެއް ގެނެސް، ދިވެފި ފުލުހުންގެ ތެރޭގައި ފާރަގެމަ ނަމުގައި ކުއްތާ ހިމެނޭ ފޯސްއެއް ވެސް އެކުލަވާލައިފަ އެވެ.
އަަދި ގޭންގް ހަރަކާތްތައް ހުއްޓުވަން މިދިޔަ މާޗް މަހުން ފެށިގެން ވަނީ ގޭންގްތަކުގައި ހަރަކާތްތެރިވާ މީހުންގެ ގައިގައި ޓެގް އަޅުވަން ވެސް ފަށައިފަ އެވެ.
އެކަމަކު މިއިން އެއްވެސް ފިޔަވަޅަކުން އެދެވޭ ނަތީޖާއެއް ފެންނަމުން ނުދާތީ އުމަަރަށް ވަރަަށް ބޮޑަށް ފާޑު ކިއުންތައް އަމާޒުވެފައިވެ އެވެ.