ޑީއާރްޕީގައި ހުންނެވުމަށްފަހު އެމްޑީޕީއަށް ބަދަލުވެ ވަޑައިގެންނެވި ރައްޔިތުންގެ މަޖިލީހުގެ މެންބަރު މާފަންނު ހުޅަނގު ދާއިރާގެ މެންބަރު އަބްދުﷲ އަބްދުއް ރަހީމް ޑީއާރްޕީއާ ގުޅިވަޑައިގެންފި އެވެ.
އަބްދުﷲ އަބްދުއް ރަހީމް ޑީއާރުޕީއާއި މިގުޅިވަޑައިގެންނެވީ އެމްޑީޕީ ތެރޭގައި ހިޔާލުތަފާތުވުންތަކެއް ހުރި ކަމުގެ ހަބަރު ފެތުރިފައިވާ ދަނޑިވަޅެއްގައެވެ.
އެމްޑީޕީގައި ގަބޫލު ނުކުރެވޭ ފަދަ ކަންތައްތަކެއް ހިންގާ ޕާޓީ ތެރޭގައި ފެކްޝަން އުފެދުމުން އަލުން ޑީއާރްޕީއާ ގުޅިވަޑައިގަތީ ކަމަށް މިހާރު ކުރިއަށްދާ ނޫސް ކޮންފަރެންސްގައި އަބްދުﷲ އަބްދުއް ރަހީމް ވިދާޅުވި އެވެ. އެމްޑީޕީގެ އިންސާފުގެ ދަތުރުގެ ޖަގަހައިގައި ޖަރީމާތަކެއް ހިންގި ކަމަށާއި އެކަން ހުއްޓާލުމަށް އެމްޑީޕީގެ އިސްވެރިންގެ ކިބައިން އެދުމުން އެކަން ހުއްޓާ ނުލުމުން އެމްޑީޕީގެ ހަރަކާތްތަކާ ދުރަށް ވަޑައިގަތީ ކަމަށް އޭނަ ވިދާޅުވި އެވެ.
އަދި މިހާރުގެ ސަރުކާރަކީ ގާނޫނީ ގޮތުން އުފެދިފައިވާ ސަރުކާރެއް ކަމަށް ސާބިތު ކުރަން އެމްޑީޕީން ސުޕްރީމް ކޯޓަށް ނުދިއުމަކީ މިހާރުގެ ސަރުކާރަކީ ގާނޫނީ ސަރުކާރެއްކަން ސާބިތުވުން ކަމަށް ވެސް އަބްދުﷲ އަބްދުއް ރަހީމް ވިދާޅުވެފައިވެ އެވެ.