ރާއްޖެ އަށް ވަރަށް ގިނަ ރޮނގުރޮނގުން ދިގު މުއްދަތެއްގައި ބޮޑެތި ޚިދުމަތްތަކެއް ކޮށްދެއްވި އަދި އިގުތިސާދާއި ވިޔަފާރީގެ ދާއިރާ އިން ރާއްޖެ ދުށް އެންމެ ކުޅަދާނަ އެއް ޝަހުސިއްޔަތު ކަމަށްވާ އޮނަރަބްލް އަލީ އުމަރު މަނިކަކީ ވޭތުވެދިޔަ 50 އަހަރުގެ ތެރޭގައި ރާއްޖޭގެ ތަރައްގީގައި އެމަނިކުފާނުގެ ހިއްސާ ވަރަށް ފުރިހަމަ ގޮތެއްގައި އަދާކުރައްވާފައިވާ ބޭފުޅެކެވެ. މި ގޮތުން ރާއްޖޭގެ އާގުބޯޓު ދުއްވުމުގެ ވިޔަފާރި ކުރިއެރުވުމާއި ތަރައްގީގެ ބޮޑެތި އެކި މަޝްރޫއުތަކުގައި ޢަމަލީ ގޮތުން ބައިވެރިވެވަޑައިގެންފައިވާ ބޭފުޅެކެވެ. ވަކިން ޚާއްސަކޮށް ހުޅުމާލޭ ޕްރޮޖެކްޓް ވުޖޫދަށް ގެނައުމުގައި އެމަނިކުފާނުގެ ހިއްސާ ބޮޑެވެ. އަދި ރާއްޖޭގެ އިޖުތިމާޢީ ދާއިރާ ކުރިއެރުވުމަށްޓަކައި ތަފާތު ގިނަ ޚިދުމަތްތަކެއް ކުރައްވާފައިވާ ބޭފުޅެކެވެ. އެމަނިކުފާނު ދެމިއޮތުމުގެ ޢާލަމަށް ދަތުރުކުރެއްވުމުން ރާއްޖެ އަށް ގެއްލިގެން އެދިޔައީ ވަރަށް ޚިދުމަތްތެރި ދަރިއެކެވެ. އެމަނިކުފާނުގެ އާއިލާ އަށް އަޅުގަނޑުމެން ތަޢުޒިޔާ ދަންނަވަމެވެ. މަރުޙޫމްގެ ފުރާނަފުޅަށް މާތް ﷲ ރަޙުމަތް ލައްވާ، އާއިލާ އަށް ކެތްތެރިކަން ދެއްވާށި އެވެ. "ހަވީރު"ގެ ޗެއާމަން މުހައްމަދު ޒާހިރު ހުސެއިން