އުއްތަމަ ފަނޑިޔާރާއި ފަނޑިޔާރު އަލީ ހަމީދު ހައްޔަރު ކޮށްފައިވީނަމަވެސް، ސުޕްރީމް ކޯޓުގެ މަސައްކަތްތައް ދަނީ ކުރިއަށް ކަމުގައި ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ބުނެފި އެވެ.
މިހެން ބުނެފައިވަނީ ޑީޖޭއޭގެ ރަސްމީ ޓްވިޓާ އެކައުންޓުން ދެންމެ ކޮށްފައިވާ ޓްވީޓެއްގައި އެވެ.
އެ ޓްވީޓްގައި ބުނެފައިވަނީ ދިވެހިރާއްޖޭގެ ސުޕްރީމް ކޯޓް ގެ ފަނޑިޔާރުންގެ މަޖިލީހުގެ ލަފާ އަދި އިރުޝާދުގެ ދަށުން ސުޕްރީމް ކޯޓުގެ މަސައްކަތްތައް ކުރިއަށްދާވާހަކަ މައުލޫމާތަށްޓަކައި ދަންނަވާ ކަމަށެވެ.