ޅ. ހިންނަވަރު އެކްސް ބޯއިސް އިން އިންތިޒާމުކޮށްގެން އެރަށުގައި ކުރިއަށްގެންދާ އެކްސް ފުޓްސަލް ޗެލެންޖު 2018 ގެ އިއްޔެ ކުޅުން ފަށައިފިއެވެ.
މިއަހަރުގެ އެކްސް ފުޓްސަލް ޗެލެންޖުގައި ޖުމްލަ 12 ޓީމު ވަނީ ބައިވެރިވެފައެވެ. މުބާރާތުގެ ކުޅުން ކުރިއަށް ގެންދަނީ 4 ގްރޫޕަކަށް ބަހާލައިގެންނެވެ. މުބާރާތުގައި މިއަދު ވަނީ ޖުމްލަ 3 މެޗެއް ކުޅެފައެވެ.
ފިތުރު ޢީދު ދުވަހު މުބާރާތުގެ ކުޅުން ފެށިއިރު، އިއްޔެ ކުޅުނު ފުރަތަމަ މެޗުގައި ބައްދަލުކުރީ ރިވަސައިޑާއި އެފްސީ ފްރެންޑްސް އެވެ. ފޯރިގަދަ ކުޅުމެއް ފެނިގެންދިޔަ މި މެޗު 6-5 އިން ކާމިޔާބުކުރީ ރިވަސައިޑެވެ. މެޗުގެ މޮޅު ކުޅުންތެރިއަކަށް ހޮވުނީ ރިވަސައިޑުގެ އިބްރާހީމް ނިހާމެވެ.
މުބާރާތުގައި ރޭ ކުޅުނު ފުރަތަމަ މެޗުން ސްޓާކްް އެފްސީ ވަނީ ކުކޫންގެ މައްޗަށް 5-3 އިން ކުރިހޯދާފައެވެ. މެޗުގެ މޮޅު ކުޅުންތެރިއަކަށް ހޮވުނީ ސްޓާކް އެފްސީގެ އަހުމަދު އިކުރާމެވެ.
ރޭގެ ދެވަނަ މެޗުގައި ބައްދަލުކުރީ ޓޯރާ ބޯރާ އާއި ކުރެއްދޫ އެފްސީ ބީ އެވެ. މި މެޗު 10-8 އިން ކާމިޔާބުކުރީ ޓޯރާ ބޯރާ އެވެ. ގިނަ ގޯލުތަކެއް ފެނިގެންދިޔަ މި މެޗުގެ މޮޅު ކުޅުންތެރިއަކަށް ހޮވުނޯ ޓޯރާ ބޯރާގެ އަލީ މުޚުތާރު ހުސެއިން އެވެ.
މުބާރާތުގެ ގްރޫޕް ސްޓޭޖުގައި މިއަދުވެސް ތިން މެޗު ކުޅުމަށް ވަނީ ހަމަޖެހިފައެވެ.