ގުޅީފަޅު ހިއްކާ ވެލި ހުރީ އަލިހުރަސްކަނޑުގައި ކަމަށާއި މާލޭ މީހުންނަށް ގޯތިދިނުމުގެ ކަންކަމަކީ އަލްހާން ފަހުމީގެ ޕޮންޒީ ސްކޭމަށްވުރެ ނުލަފާ ކަމެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވުމާ ގުޅިގެން، ނަޝީދުގެ މައްޗަށް އަބުރުގެ ދައުވާ ކުރައްވާނެ ކަމަށް އަލްހާން ވިދާޅުވެއްޖެއެވެ.
އަލްހާން ވިދާޅުވީ ނަޝީދުގެ ވާހަކަތަކަކީ ހަގީގަތާ ހިލާފު ވާހަކަތަކެއް ކަމަށާއި، ބަދަލުގެ ގޮތުގައި އެދެނީ  3333 ބިޓްކޮއިން ކަމަށެވެ.
“ދޮގު އިލްޒާމް އަޅުވާ އަބުރު ކަތިލާން، ޢާންމުން އެއްކޮށްގެން ޙަގީގަތާ ޚިލާފު ދޮގުވާހަކަ އަޅުގަނޑާ ބެހޭގޮތުން ރައްޔިތުންގެ މަޖްލިހުގެ ރައީސް މުހައްމަދި ނަޝީދު ދެއްކެވި މައްސަލައިގާ އޭނާގެ މައްޗަށް އަބުރުގެ ދަޢުވާ ކުރާނަން!” އަލްހާން ވިދާޅުވިއެވެ.
ދޮގު އިލްޒާމް އަޅުވާ އަބުރު ކަތިލާން ، ޢާންމުން އެއްކޮށްގެން ޙަގީގަތާ ޚިލާފު ދޮގުވާހަކަ އަޅުަނޑާ ބެހޭގޮތުން ރައްޔިތުންގެ މަޖްލިހުގެ ރައީސް @MohamedNasheed ދެއްކެވި މައްސަލައިގާ އޭނާގެ މައްޗަށް އަބުރުގެ ދަޢުވާ ކުރާނަން ! ބަދަލުގައި 3333 ބިޓްކޮއިން ހޯދަން ދަޢުވާގައި ހިމަނާނަން!…
ޑިމޮކްރެޓްސްއިން ރޭ ބޭއްވި ޖަލްސާގައި ވާހަކަ ދައްކަވަމުން، ނަޝީދު ވިދާޅުވީ، މާލޭގެ ރައްޔިތުން އެންމެ ބޮޑަށް އެދި ގޮވާ އެއް ކަމަކީ ބޯހިޔާވަހިކަން ކަމަށާއި އެމީހުންގެ ހާލަތާއި އެމީހުންގެ ހަޔާތް ހުރިހާ ކެނޑިޑޭޓުންނަށް ވަރަށް ސާފުކޮށް އެނގޭނެ ކަމަށެވެ.
އެހެންކަމުން އެ ހާލަތު ސިޔާސީ ފުރުސަތަކަށް ހެދުމަކީ ލާއިންސާނީ އަމަލެއް ކަމަށް ނަޝީދު ވިދާޅުވިއެވެ.
މާލޭގައި 26 ހާސް ރައްޔިތުން ބޯހިޔާވަހިކަމަކަށް ބޭނުންވާ ކަމަށް ނަޝީދު ވިދާޅުވިއެވެ. އަދި މާލޭ ރައްޔިތުންނަށް ބޯހިޔާވަހިކަން ހައްލު ކޮށްދިނުމަށް މި ސަރުކާރުން ގޯތި ދޫކުރުމުގެ ސިޔާސަތުގެ ދަށުން ގޯތިދޭ އެއް ސަރަހައްދު ކަމުގައިވާ ގުޅީފަޅުގެ ފުންމިނުގައި 25 މީޓަރު އެބަހުރި ކަމަށް ނަޝީދު ވިދާޅުވިއެވެ.
މީގެ ކުރިން 2010 ވަނަ އަހަރު ގުޅީފަޅުން ހިއްކީ އެ ފަޅުގެ އެއްބައިކަން ފާހަގަ ކުރައްވައި ނަޝީދު ވިދާޅުވީ، އޭރުގައި ފާހަގަވި ހަގީގަތަކީ ގުޅީފަޅުގެ ފުންމިނަށް ހިއްކުމުގައި ހުރި އަގު ކަމަށެވެ.
އާއްމުގޮތެއްގައި ގުޅީފަޅުގެ އެއް އަކަމީޓަރު ހިއްކުމަށް 20 ޑޮލަރު ހަރަދުވާއިރު 20 މީޓަރު އަޑިއަށް ވިހި ގުނަ ހިއްކާއިރު އާދައިގެ ހާލަތުގައި ހިއްކާ ތަންތަނަށް ވުރެ އަގު ބޮޑުވެގެން ދާ ކަމަށް ނަޝީދު ވިދާޅުވިއެވެ.
“ގުޅީފަޅުން ބިން ހިއްކާފައި ދޭނީ ކިތައް ގޯތިކަން ސަރުކާރުން ހާމަކޮށްފައިވާ ހިސާބުތަކަކު ނެތް. ނަމަވެސް ގޯތިތަކެއް ދޭނެ ކަމަށް ޗާޓެއް ކުރަހާފަ ދީފައި ވޭ” ނަޝީދު ވިދާޅުވިއެވެ.
މީގެ އިތުރުން ނަޝީދު ވިދާޅުވީ ގުޅީފަޅު ހިއްކަން ބޭނުންވާ ވެލި ހުރީ ހަމައެކަނި އަލިހުރަސްކަނޑުގައި ކަމަށެވެ.
“އަޅުގަނޑު ދަންނަވާނީ މީ އަލްހާން ފަހުމީގެ ޕޮންޒީ ސްކޭމަށްވުރެ ނުލަފާ ކަމެކޭ” ނަޝީދު ވިދާޅުވިއެވެ.
މިއީ ރާވައިގެން، ރައްޔިތުންނަށް އެންމެ ބޮޑަށް ހާލުގައި ޖެހިފައި އޮތް ވަގުތު އަދި އެންމެ ބޮޑަށް އެދިއެދި އޮތް ވަގުތު، ގޯތި ދޭނެ ކަމަށްބުނެ ހަދާ ދޮގެއް ކަމަށް ނަޝީދު ވިދާޅުވިއެވެ.
އަދި މިއީ އެއްގޮތަކަށްވެސް އެކަން ކުރެވޭނެ ޕްލޭނެއް، އަންދާޒާ ހަރަދެއް އަދި ފައިސާ ހޯދާނެ ގޮތެއް ޓެކްނިކަލް ފީސިބިލިޓީއެއް ސަރުކާރަކުން ހަދާފައި ނުވާ ޕްރޮޖެކްޓެއް ކަމަށް ނަޝީދު ވިދާޅުވިއެވެ.
Your email address will not be published. Required fields are marked *
ހިޔާލު * document.getElementById("comment").setAttribute( "id", "ab393681e83076ae102b79d8340bf18f" );document.getElementById("bb7c1a6aaf").setAttribute( "id", "comment" );
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
Email: [email protected] | Phone: +960 9770541Address: M. Golden Bones, 3rd Floor, Male’ Maldives© Copyright 2020, Dhuvas.mv, All Rights Reserved