މާލޭގެ މަގުތަކުގައި ބުޅަލުގެ ނަޖިހާއި، ބުޅާ ގިނަވުމުގެ ސަބަބުން ކުރިމަތިވެފައިވާ މައްސަލައަށް ދާއިމީ ހައްލެއް ހޯދުމަށް ފެށި "ކެޓް ޝެލްޓާ" މަޝްރޫޢު ސަރުކާރުން އަތުލުމުގެ ނަތީޖާއަކީ މިއަ ދުވެސް ރައްޔިތުން އެ އުނދަގުލުގައި އުޅެންޖެހުން ކަމަށް މާލޭ ސިޓީގެ މޭޔަރު އާދަމް އާޒިމް ވިދާޅުވެއްޖެއެވެ. ޖަނަވަރީ 2024 ގައި މޭޔަރުކަމުގެ ހުވާކުރެއްވުމަށްފަހު، އެންމެ އިސްކަމެއް ދެއްވި އެއް ވައުދަކީ މާލޭގެ މަގުތަކަކީ އަމާން، ސާފުތާހިރު ތަނަކަށް ހެދުމެވެ. މިގޮތުން ބުޅަލުގެ މައްސަލަ ހައްލުކުރުމަށްޓަކައި އެންމެ ނުވަ މަސްދުވަހުގެ ތެރޭގައި ކެޓް ޝެލްޓަރެއް ބިނާކޮށް، އަމަލީ ނަތީޖާ ދައްކަވާފައިވާކަން މޭޔަރު ފާހަގަކުރެއްވިއެވެ. "ދެން ވީ ވައުދާ އެއްގޮތަށް، ރޭވުންތެރިކަމާއެކު ނުވަ މަސްތެރޭ ކެޓް ޝެލްޓާ އެޅީން. ނަމަވެސް ސަރުކާރުން އެތަން އަތުލުމުގެ ހިންގަންބުނެ އަތުލުމުގެ ސަބަބުން، މާލޭގެ މަގުތަކުން ބުޅަލުގެ ނަޖިހުގެ އުނދަގޫ ކެނޑިގެން ނުދިޔައީ،" މޭޔަރު ވިދާޅުވިއެވެ. މޭޔަރު އިތުރަށް ވިދާޅުވީ، ސިޓީ ކައުންސިލުން އޭނާގެ ބެލުމުގެ ދަށުން ކުރަންޖެހޭ ހުރިހާ ކަމެއްގެ ޒިންމާ އެންމެ ފުރިހަމައަށް އަދާކޮށްފައިވާނެ ކަމަށެވެ. އަދި މަޝްރޫޢު ހުއްޓުމަކަށް އައީ ކައުންސިލްގެ އިހުމާލުން ނޫންކަމާއި، އެއީ ސަރުކާރުން އެ މަސައްކަތް އަތުލުމުން ދިމާވި ހުރަހެއްކަން ހާމަކުރެއްވިއެވެ. މާލޭގެ ގިނަ ރައްޔިތުން މިހާރު ވެސް ޝަކުވާ ކުރަމުންދަނީ މަގުތަކުގައި ބުޅާ ގިނަވެ، މިސްކިތްތަކާއި އާންމު ތަންތަނުގައި ބުޅަލުގެ ނަޖިހުގެ ސަބަބުން ސިއްހީ ނުރައްކާތަކާ ކުރިމަތިލާން ޖެހޭތީއެވެ.